根據台灣《中央社》10號報導，美國最高院將在10號對TikTok案進行口頭辯論，辯論將聚焦在國安及言論自由議題。《美國之音》報導指，有學者研究發現，TikTok可透過演算法壓制反共內容，影響美國人對中共嘅睇法。

報導引述美國「羅格斯大學」（Rutgers University）網路傳染研究所（Network Contagion Research Institute，NCRI）舊年發布嘅最新研究報告，內指TikTok淡化與中國有關之負面內容，例如「六四天安門、新疆迫害少數民族」等，用戶沈迷TikTok時間越多，對中國人權嘅睇法越積極。

根據呢份「TikTok操縱訊息」嘅報告發現，批評中國嘅內容在TikTok上，不如在其他平台上容易獲得。報告指，Instagram上關於維族人、西藏等內容中，分別有84%、31.7%屬反共，TikTok上類似內容比例僅11%、5%；在YouTube搜尋「天安門」有超過65%內容對中共持負面睇法，在TikTok上僅20%。

報告指，在TikTok上，用戶對「反中內容」嘅點讚或評論總數，幾乎係「親中內容」點讚或評論嘅4倍，但演算法產生嘅親中內容幾乎係反中內容嘅3倍。報告作者之一、羅格斯大學 心理學系教授 朱西姆（Lee Jussim）表示，TikTok對年輕用戶構成嘅最大風險，就係被議題挑撥離間，並對年輕人灌輸支持中共嘅目標及議程。

教授 朱西姆指，研究並未直接解決問題。但研究強烈表明，中共利用TikTok推進輸出思想、並從中得益，今次調查只可以話「我哋成功說服美國人應禁止TikTok」。而TikTok發言人就認為，NCRI 嘅研究「別有用心」，並指其實驗存在缺陷，存在先射箭後畫靶、為搵問題而設定問題，為得出錯誤結論而設計。

NCRI主任兼首席科學官 芬克斯坦（Joel Finkelstein）表示，TikTok規模化嘅灌輸並非假設性問題，而係真實存在。最高院嘅審理非關我哋是否要面對一個假設威脅，而係關乎我哋是否允許呢種灌輸繼續存在。

華府智庫「保衛民主基金會」（FDD）網路及科技創新中心總監 蒙哥馬利（Mark Montgomery）認為，理論上，TikTok歸中國公司「字節跳動」所有，而該公司受中共控制，中國政府對TikTok 嘅控制，使中共可直接訪問1.7億美國人嘅數據。

TikTok係中共在美國大規模收集數據、進行監視、操作內容、輸出認知戰計劃嘅重點工程一部分，將對美國造成國安問題。