根據香港網媒《易發睇樓團》8號晚報導，史上最高彩金嘅六合彩頭獎，結果於7號晚揭曉，1.28億頭獎由兩注瓜分，每注派錢6,923萬。8號當日警隊內瘋傳，指其中一名幸運兒隸屬於水警西區小艇隊嘅36歲警員，更有中獎截圖流出，顯示佢以一張10蚊電腦票命中頭獎，並已提款20萬。

傳佢在中獎之後已即時請假外遊慶祝，亦有指佢已即時辭職，並將其中3,000萬用作定期存款，另3,000萬會將買兩幢村屋。根據《易發》分析介紹，3,000萬「筆直」要買兩幢村屋，資金可謂十分充裕，建議不妨可選擇西貢嘅豪華村屋，28Hse亦有好多放盤，以下兩間屬於唔錯嘅選擇。

《易發》介紹第一幢位於西貢南山，4房4廁，實用面積2,300呎，連5,000呎大花園及私人泳池，現時叫價1,480萬，呎價6,435 元。第二幢位於竹洋路，鄰近西貢市中心，3房1套，建築面積1,400呎，可享開揚壯麗山景，亦可俯瞰海景，現時叫價1,500萬，呎價10,714元。

根據報導記者翻查過往記錄，以往亦曾有多名警員幸運中六合彩頭獎，包括前警務處處長 李明逵。1995年，時任灣仔區指揮官嘅前「一哥」李明逵，與同事「夾份」合買六合彩，贏得3,800萬元頭獎。由於其中一名同事「甩底」，李明逵分得兩份，共約700萬元嘅彩金。

2007年，有名啱自警察學院畢業嘅軍裝女警，同另名得獎者瓜分逾7,000萬獎金，女警獨得3,700萬。2011年，一名駐守禮賓府嘅新紮師兄，同其他幸運兒共同瓜分當期逾4,500萬元嘅頭獎。佢個人分得1,300萬元，有指佢在翌日即返中區警署遞信辭職。