根據《自由亞洲電台》6號報導，繼舊年5月台灣總統 賴清德就職典禮後，美國前國務卿 蓬佩奧（Mike Pompeo）今日再次訪台並出席論壇，佢在會上重申「戰略模糊嘅時代已結束」，現應正視眼前事實，並直至：總有一日，美國現任國務卿會親赴台灣。

蓬佩奧在周一6號出席非政府組織「福和會」舉辦之《邁向永久和平-美台共同使命》論壇，歐洲經貿辦事處處長 谷力哲（Lutz Güllner）、哈德遜研究所中國中心主任 余茂春、台灣立委 陳冠廷，以及包括 桑普在內等多名中國問題「專家、學者」與會。

美國總統當選人 特朗普將在本月20號再次上台執政，蓬佩奧認為，新政府嘅對華立場唔會有太大轉變，特朗普第一任國安戰略，首次將中國列為「對手」（Adversary），甚至一度要使用更強硬嘅字眼，相信新政府將維持類似模式。

蓬佩奧重申「戰略模糊時代已結束」，而家係時候要正視事實，因為模糊性將造成更大風險，誤導國際社會以及增加地區緊張局勢。而令其引以為傲嘅係，特朗普在上一任期依世界現實狀況施政，並取得更好嘅結果，而非根據理想或幻想。

對於自己只可以「前國務卿」身份訪問，蓬佩奧表示：總有一日，美國現任國務卿將會親赴台灣，佢並希望會係準國務卿 魯比奧（Marco Rubio）。蓬佩奧表示，我哋兩人理念一致，同理解美國、台灣呢種共同關係嘅重要性。

對所謂「疑美論」嘅睇法，蓬佩奧直指，當前台灣面臨最危急時刻，美國嘅角色再次出現，不僅係政治回應，更係根植於雙方共享價值之「道德回應」，即使內部仍有唔同觀點，但美國嘅承諾不會動搖，特朗普亦曾制定過有效嘅威懾模式，劍指企圖破壞國際規則、摧毀美台共享價值嘅「對手」。

蓬佩奧強調，習近平唔會決定亞洲或台灣嘅未來，你哋台灣先可決定，習近平一直要孤立台灣，其所謂共享價值只係表象，惟事實並非如此，美國將同「日、澳、越、菲」等印太國家共同努力合作「落實威懾」。

會上有傳媒在提問環節問到，特朗普邀請 習近平出席就職禮，而 習近平似乎就無意要親自赴美參加，蓬佩奧對此笑著話：特朗普可能想要俾 習近平睇吓，見證吓美國政權點樣和平移交。