根據台灣《中央社》7號報導，美國總統當選人 特朗普將會在20號宣誓就職，教宗 方濟各率先在6號做出任命，指定曾強烈批判 特朗普移民政策嘅樞機主教 麥可勞（Robert McElroy），掌理美國華府教區。今次人事任命被解為教廷向美國新政府展示強悍態度。

教廷新聞辦在6號發布人事令，教宗 方濟各（Pope Francis）同意，原任美國華盛頓特區總主教 格雷戈里（Wilton Daniel Gregory）樞機請辭，並任命 麥可勞擔任華府新任總主教，麥可勞先前任職於加州 聖地牙哥教區。

麥可勞即將屆齡71歲，外界認為佢同教宗 方濟各立場相近，兩人都關心環境生態，同對LGBTQ泛指「女同、男同、雙性戀、跨性別、酷兒」等議題，持較開放態度。此外，兩人都非常同情支持移民難民，因此對 特朗普嘅移民政策採取嚴厲批判立場。

麥可勞在 特朗普前次執政期間，多次公開抨擊 特朗普嘅移民政策。佢曾在演講中呼籲天主教徒，要做 特朗普移民政策嘅「破壞者」，佢指：我哋必須阻止嗰啲試圖派軍上街，驅逐無證移民、離散家庭嘅人，我哋必須瓦解嗰啲將難民描繪成敵人嘅人。

特朗普在2016年首次贏得美國大選，麥可勞曾哀嘆：美國政治生命嘅靈魂深處「病得不輕」，並呼籲天主教徒「絕對不該袖手旁觀」，不應坐視天主教會內超過10%信徒遭官方力量驅逐出境。

教宗 方濟各同 特朗普亦曾多次因移民問題公開叫囂。2016年特朗普首次參選時，教宗曾就其美墨邊境築牆嘅移民政策直言，只知築牆而唔起橋嘅人「唔算基督徒」。特朗普就反批教宗失禮人，更反話諷若有恐怖分子攻擊梵蒂岡，教宗會祈禱係 特朗普做美國總統。

特朗普及教宗過去多次隔空交火嘅戲碼，在 特朗普第一任期內，次次都成為網上熱話。甚至 特朗普在2017年赴梵蒂岡會晤教宗 方濟各時，照片中方濟各毫無笑容，同在網上被瘋傳，被認為一向笑面迎人嘅教宗，罕以「臭面」迎賓。

美國《有線電視新聞網》（CNN）引述賓州 維拉諾瓦大學（Villanova University）神學教授 法吉歐利（Massimo Faggioli）分析，認為教宗選在就職禮前2週做任命，係一項「大膽舉動」更係一份「意有所指」嘅聲明。任命 麥可勞被視為釋出信號，表明教廷對「川普2.0」政府仍將不假辭色。