根據《Yahoo新聞》 3號香港報導，長者2蚊乘車優惠一直備受爭議，在當前港府千億財赤下，著名社福界學者建議為車費設上限，60至65歲長者每人每月700蚊。行會成員 張宇人亦建議將「2蚊」門檻回復至65歲。

《星島頭條》記者近日親赴深水埗訪問街坊，有年過60並正享用2蚊優惠嘅長者認為，政府未有做好把關，未處理「長車短搭」濫用前，不應削減福利，建議仿效新加坡上落車拍卡。亦有長者建議高官帶頭「捐糧」、公務員減薪，以減少公共行政開支，而非削減「枝微末節」等福利開支。

年滿60歲嘅 李太直言，削減2蚊乘優惠「梗係唔好」，舉例「新加坡總理都係搭經濟艙，你啲普通議員出去（外訪）就要搭商務艙？佢認為政府有好多大計及基建，可待經濟改善先進行，唔應削減本應用作獎勵老人家嘅福利。

佢建議行會召集人、立法會議員 葉劉淑儀帶頭捐薪，指前任特首 林鄭月娥亦試過捐一個月糧，佢指：葉劉姐姐咁好人，叫佢帶頭捐一兩個月糧，都夠我哋搭好耐車啦！身兼行會成員嘅立法會議員，現時月薪合共約15萬，但政府預算今年度2蚊優惠就高達60億。