根據港媒《東方日報》 2號報導，有內地「甜寵女神」之稱嘅 趙露思，近日因長期壓力過大患病，昏迷入院搶救後，爆出患有重度抑鬱症及失語症，公司隨即宣布 趙露思立即停工。

估唔到事件愈鬧愈大，趙露思連日透過好友爆料及自行上載千字文，大爆5年前遭前老闆暴力相向，以致其有抑鬱傾向，並控訴對方要攞走巨款，先肯俾佢離開公司。

惟 趙露思連日發文資料含糊，令其粉絲周圍「搵真兇」、四處辱罵「疑似人事」，令本同事件冇關嘅內地製作人 于正遭其粉絲鬧上熱搜，于正在今2號開名，大鬧 趙露思及疑曾毆打趙嘅經理人 徐以若，炮火愈演愈烈，于更揚言有大把猛料在手「隨時爆！」。

趙露思疑被前經理人打，粉絲查出行兇者疑係女經理 徐以若，徐以若本身同 于正係好友，早年 于正曾發文暗示 趙露思係「綠茶」，紅咗即delete通訊好友，粉絲推查 趙露思被打時間，啱好同 于正發文時間接近，推斷 于正暗幫好友職場欺凌 趙露思。

另有指 徐以若當年拎走天價解約費，粉絲湧入 徐以若社交網炮轟，徐隨即關閉評論，今日亦透過律師發聲明，稱為其名譽權等合法權益遭侵害及維權，並否認曾毆打 趙及拎天價解約費等。

無端被波及嘅 于正，選擇正面回應事件，並標註 趙露思本人問：你講句話，我點搞你啦？你未火前我周圍推介你，語重心長嘅話都冇少講過，點會今次潑污糟水到我度？並表示自己對 趙有知遇之恩，當年《鳳凰》連試戲都冇試，就畀咗個重要角色給 趙。

對於「綠茶」文佢亦曾澄清過，之後佢同 趙偶會Send message，二人碰面亦好熱情。同時佢點名好友 徐以若，叫對方同 趙有私怨就唔好扯落佢身上。

並喺評論區同網友對話放狠話：再撕我，我逐件慢慢傾，可傾嘅太多囉。又留言指，徐以若打 趙一事「我完全不知情」。網民認為似有直認 徐以若確實曾打過 趙露思，令是非愈嚟愈似層層。