根據台灣《中央社》30號報導，「北大西洋公約組織」（NATO）代理助理秘書長 阿帕圖萊指，北約各國似陷入「溫水煮蛙」狀態，對俄羅斯一連串未達常規軍事衝突門檻，以及不斷測試灰色地帶界線之混合攻擊已「感到習慣」，而咁樣嘅情況「非常危險」。

阿帕圖萊（James Appathurai）示警，呢類混合攻擊（hybrid attacks）確實有造成重大傷亡或極嚴峻經濟損失嘅可能性。佢舉例，2018年英國境內有單俄國雙面諜 斯克里帕爾（Sergei Skripal）嘅毒殺案。俄國當時使用軍用級神經毒「諾維喬克」（Novichok），其用量「大到足以殺死數千人」。

阿帕圖萊表示，「北約」唔希望成員國要到事件真正發生後，大家先意識到組織未曾仔細諗吓跟住要點做；呢個就係北約點解要就相關可能發生嘅情況，提前預先進行模擬推演，包括考慮將軍事元素納入應對措施之中。

阿帕圖萊在北約主責「科技創新、網路防衛、混合威脅」。佢領導嘅團隊正更新北約2015年嘅混合戰應對戰略，以跟上近10年、未來同將持續演變嘅威脅樣態。除咗俄羅斯，更新內容同關注中國、伊朗、朝鮮等存在敵意行為組織或國家活動。預計在初年峰會核定。

阿帕圖萊近日在北約駐地 布魯塞爾總部接受英國《天空新聞網》（Sky News）專訪，佢在29號發布嘅內容中指，現階段俄國正對北約各國實施混合攻擊，以5年前標準來睇，係徹底令人無法接受，而今日北約各國似乎已感到習慣、似溫水煮蛙，情況非常危險。

自俄國2022年2月全面侵略烏克蘭後，北約各國就陸續提供烏克蘭軍火支援，之後俄國在北約境內發動嘅混合攻擊，在「頻率、強度、規模」甚至攻擊手法之「多元性」，皆有上升進化趨勢，涵蓋「縱火、網攻、暗殺」。

報導指出，北約國家公民、德國軍工企業「萊茵金屬」（Rheinmetall AG）執行長 派培格（Armin Papperger），今年就曾遭遇密謀暗殺，恐因「萊茵金屬」同烏克蘭合作生產砲彈、戰車有關。有關之混合攻擊行動至今已達上百宗，但部分遭遇北約挫敗而無法施行。

阿帕圖萊指，北約希望建立基準線，進而預防局勢升高，並在事件發生時有能力管控局面。北約正確保成員之間對情況有明確一致嘅理解。並將決定如何向俄方傳達北約嘅「紅線、門檻、禁區」。包括在咩情況下會透過集體防衛機制，對侵略方採取軍事回應。