根據香港網媒《Yahoo 新聞》27號報導，香港本地獨立出版社「藍藍的天」今聯同逾20間出版社，在太平山街「見山書店」原址，舉辦「太平山街 閱讀香港另類風景」售書活動。活動開始後，現場出現大批軍裝警在附近戒備，但未有進入店舖內巡視。

由「藍藍的天」策劃嘅活動，由今日起至初年1月2號舉行。有超過20間出版社參與售書，另在太平山街多間商戶，都有合作在店內展示書籍。活動地就係上環「見山書店」原址，而「見山書店」早前因屢被「神秘人」投訴，今年3月已結業。

藍藍的天負責人 伍自禎表示，今朝9點已有近20名軍裝警、便衣警在附近戒備，並有一隊食環署職員到場巡視，但就冇向佢查詢任何事務，僅在旁觀察、拍照。佢指出，早有預料會有警察到訪，不過數目之多未曾遇見，指「冇乜影響、冇乜所謂，都係做返自己嘢」。

對於是否因活動選址引警方注意，伍自禎就認為無法顧慮太多，「我哋合合法法做嘢，大家冇嘢相干」。佢續指，選在聖誕後舉辦活動，純粹因有空檔，並冇特別意義。

而且太平街氣氛十分適合售書，因此先會選在度搞活動，「呢條街係有書香味、有文青味自然散發出嚟，唔使政府做出嚟，未必有第二條街可替代到」。