根據香港網媒《am730》25號報導，中國足球隊成績長年墊底，屢被質疑一個14億人口大國，竟然連11個「識踢波」嘅球員都冇，有名於中超落班嘅意大利外援認為，問題出於中國教育制度，多數家長選擇要仔女專心讀書，佢指：制度一日不改，永難挖掘優秀足球人才。

今年在中超以第6名完成嘅「天津津門虎」，攻入19球位列射手榜第三嘅28歲意大利前鋒 孔帕尼奧(Andrea Compagno)完成於中國嘅首季後接受《米蘭體育報》採訪，提到中國足球發展現狀。佢直指，中超「星級外援」不再，連巴西前國腳 奧斯卡亦於上海上港發展8季後，重返巴西加盟母會聖保羅。

另外中國足協旗下只有1萬名註冊球員，佢對此直言「基數太小」，訓練及比賽強度亦不足。對14億人口大國搵唔到11個「識踢波」嘅球員，孔帕尼奧認為一切源自於中國教育上嘅嚴格選拔，更似軍隊式嚴格管理，特別係紀律及成績方面。

佢指出，中國青少年自朝早7點開始學習至夜晚7點，返屋企仲要做兩小時作業，每隔一段時間就會進行考試，而嗰啲冇通過考試嘅人，就似「被社會淘汰一樣」，中國家長多在仔女14歲左右，就選擇要繼續踢波或專心讀書。

孔帕尼奧認為，中國家長多認為學習嘅孩子，未來保障更大，而足球就無法提供保障。但實際上卻限制有淺質球員嘅發展，佢直言，除非中國可以改變體制，否則永遠都難以挖掘到優秀人才，培養出優秀球員。