根據《星島日報》24號報導，哈爾濱再成中國旅遊「頂流」城市。哈爾濱冰雪大世界冬至日開園後持續火爆，官方成人票售罄後，最貴門票被炒至近7000人民幣。

此外，第37屆太陽島國際雪雕藝術博覽會尋日試開園，用雪量超歷史巔峰。高20米嘅雪雕《悟空歸來》亮相會場，引網友驚嘆「只要呼聲高，爾濱啥乜都雕」。

中媒報道指，冰雪大世界景區商城顯示，定價為328嘅標準成人票，近1周已售罄；雙人售價3988起嘅四類臻享票，在29號前同已無法預約到。

二手平台上，標準成人票單張飛加價由30至100不等。儘管官方尚未開放暢享票購買渠道，部分黃牛已開始售賣上述門票，售價多開價至1500至1600元，幾乎係原價1倍。最貴嘅臻享票普遍加價達到1500至2500元以上。

試開嘅第37屆雪博會同受歡迎。最受矚目嘅作品《悟空歸來》，使用雪量達2400立方米，呈現了半蹲嘅經典悟空形象。設計師 吳振勝稱，作品歷時10日雕成，孫悟空係中國人自己嘅「超級英雄」，望作品喚起大家兒時記憶。