根據香港網媒《am730》23號報導，今個月13號係南京大屠殺87周年兼死難者公祭日，啱過冇幾日，南京當地就有女子公然挑戰「民族感情」，身著和服在南京中山植物公園拍照，卻遭遇途人怒斥，並有人要求其除低件衫，該女隨後著返件大褸遮蓋。對此園方就指，日後要加強監管。

根據網上流傳畫面，該年輕女子在22號身著和服，在中山植物公園內自拍。另有名戴口罩嘅大齡女子不知所為，舉起手機拍攝對方並指其行為冒犯。該名大媽稱：呢度係南京，脫掉。唔係合適唔合適嘅問題，而係你冇晒底線知咩！？你連做個中國人都不配。

和服女被人鬧之後，隨即攞起手機收起腳架，披上大褸要蓋上和服，但大媽仍不斷追罵，要佢除低和服先俾走。和服女就反駁「著件衫拍照又點啫？你唔好以為可以任意攻擊、侮辱、栽贓別人！同時亦舉起手機拍攝對方。二人爭吵升級並引起多人圍觀，甚至加入指責和服女。

對於上述事件，南京中山植物園景區工作人員當日表示，事件屬遊客個人行為，檢票入園時未發現其身著和服，應係入園後先自己換上嘅，並指「園區內禁止穿和服行為的，當天該遊客已被工作人員勸離，後續會在門口貼禁止穿和服相關告示。