根據《星島日報》23號報導，浙江一名汽車零件女行銷總監，在一次商務飲宴後遭老細灌醉並性侵。該老細後被法院判強姦罪成，並判刑4年、判賠3000人民幣。宣判後，女事主即被公司以曠職為由開除。網民紛指法院判罰過輕，對受害人二次傷害，判囚4年罰3000 ，係咪鼓勵全民犯罪！

根據《新黃河》報道，現年40歲嘅受害人 麗麗，係國內某汽車零部件製造廠嘅行銷總監。在舊年9月22號於一次商務飲宴中，被自己老細 王某不斷勸酒並飲到爛醉，到佢醒來後已係翌日凌晨4點多，其身旁卻係瞓著赤裸嘅 王某，後先知自己被對方性侵。

麗麗隨後報警，2024年4月2號浙江杭州市 濱江區人民法院判決，指王某因強姦罪被判處有期徒刑4年，並賠償 麗麗「經濟損失」3000人民幣。

麗麗指，遭遇性侵後嘅維權路令佢十分痛苦。除咗要到處奔走等待，更要待上述判決結果，期間並親歷職場嘅殘酷。為維繫「公司利益」，無數前同事或領導選擇企在麗麗嘅對立面，一名資方股東甚至發信麗麗，要佢以公司利益為重。

4月18號，王某被判刑冇幾耐，麗麗就被公司以「未守公司請假制度且無故曠工」為由辭退。2024年12月3號，麗麗收到人社局出具《認定工傷決定書》，認定書中表明，麗麗受創傷後其障礙符合工傷認定範圍，予以認定為工傷。

麗麗在12月22號向《新黃河》表示，個人事件在網上發酵後，12月13號公司就聯絡到 麗麗，要俾佢12個月嘅（2023年9月23日—2024年9月22日）停工留薪。麗麗強調會堅持維權到底，不滿自己承受咁大嘅屈辱後，仲要被公司咁對待開除，並指自己已得到工傷認定，將會提起勞動仲裁。

大量網民對 麗麗遭遇表示同情，同對法院判決表示不滿，認為對老細嘅懲罰過輕，對麗麗係二次傷害。有網民指，網上寫黃色情色文嘅「判得仲多」。有稱：點解唔罰佢徵信10分？4年3000千就打發，當局鼓勵犯罪咩？