根據《星島日報》23號報導，安徽有網民爆料，指日前在合肥巢湖一間瑞幸咖啡買咗兩杯外賣，後發現在咖啡中飲出一隻曱甴，對此感覺核突噁心。瑞幸方面未就事件予以回應。

根據中媒報道，有合肥網民在20號上載影片，指自己在當日下晝2點透過手機軟件，買咗兩杯瑞幸嘅外賣咖啡，然後在合肥北城世紀金源寫字樓店取走，放置在車上飲品架，並繼續揸車去巢湖遊玩。

事主指，因目的地太冷，落車遊玩時並冇取走咖啡，咖啡一直未有打開並至於車內，至當晚8點送朋友返屋後，佢在途中攞咖啡飲時，感覺口內飲到有異物，吐出後嚇親佢，因為個異物原來係曱甴。事主指，事後成晚覺得噁心難以入眠。

翌日，事主 陳生返到上述門店投訴，之後該公司客服提出訂單價退返，並送出5張優惠券，均遭 陳生拒絕。陳生並向當地12315進行投訴。對上述消息，瑞幸官方暫無回應。瑞幸客服就表示，反饋問題會有專人進行核查回覆。