根據《法廣》19號報導，「俄烏」當局在同日對外報告，指烏克蘭無人機及導彈在18號夜晚、19號清晨襲擊俄南一座煉油廠，襲擊導致該廠爆炸起火。

報導指出，自俄國侵略以來，俄羅斯石油基礎設施一直係烏克蘭嘅主要襲擊目標，烏克蘭透過攻擊俄軍基礎設施，以回應近三年來俄國對烏克蘭領土發動嘅大規模侵略攻勢。

根據烏克蘭武裝部隊總參謀部當日透露，烏克蘭軍隊襲擊位於俄羅斯南部嘅 羅斯托夫地區，近烏克蘭邊境嘅一做「新恰赫金斯克煉油廠」。烏軍稱，該油廠產能可滿足俄軍嘅戰爭需求。

俄羅斯羅斯托夫州州長 尤里·斯利烏薩爾今日表示，烏克蘭使用大概30架無人機、三枚導彈，對該基地進行大規模襲擊，該煉油廠隨即發生火災。

斯利烏薩爾表示，當地大火持續至少六個鐘。爆炸起火圖在社交網絡上被廣泛分享，但《法新社》對此稍有保留，認為暫時無法核實其真實性，圖片僅顯示有火焰及巨大灰色煙霧。

該煉油廠距離烏克蘭邊境約十公里。烏克蘭安全部門（SBU）一名消息人士透露，今次襲擊對俄軍造成重大損失。透過集體發射無人機，導致俄國防空系統超載，造就隨後導彈打擊嘅大好機會。