根據台灣《民視新聞網》20號報導，台灣立法院今20號預將處理「公職人員選舉罷免法、憲法訴訟法、財政收支劃分法」等三大爭議法案，「藍綠」陣營再度爆發衝突，進入議場後，內門被掛上電單車大鎖，後堆滿椅凳、鎖孔同被灌入速乾膠。

同一時間，藍營國民黨委員 徐巧芯意圖化身「鎖匠」，試圖要用工具開鎖，先係打破強化玻璃，失敗後又改用其他工具嘗試開鎖。跟住 徐巧芯協同其立院黨團總召 傅崐萁，出動極其危險嘅氣動油壓鉗進入議場，試圖要再次破門。

隨後，民進黨立委 沈柏洋助理在網上釋出一段畫面，批國民黨籍議員嘅助理 謝克洋，違法要攜帶危險物入場，被警方捉到罪證確鑿！並稱國民黨「真瘋了」。而被指攜帶攻擊武器嘅 謝克洋，隨即遭警方攔下，最初佢辯稱「係我老闆 徐巧芯叫我帶入去嘅」。

被發現袋違禁品後，謝克洋一度打算轉身逃離，但遭警方捉住，並要求佢出示證件，唔好走！但 謝克洋頻頻跳針，話自己係立委助理，隨後就快步逃離現場。民進黨委員 邱議瑩對此爆氣表示：你哋一早帶著大袋，裝有大剪刀，係咪要準備來殺人嘅！

畫面曝光後，有網友痛批：暴力現行犯唔好走！佢係藍委 謝龍介嘅姪子！有網民稱：你哋藍委比中指又霸凌他人助理，而家又抄工具出來，係要打人咩。有人批：你哋助理用「老闆叫我帶嘅」卸責，正正證實「上樑不正下樑歪」，一啲判斷力及道德都冇！本質就係黑道，混帳！