根據《自由亞洲電台》（RFA）17號報導，今周五20號係澳門主權移交25周年，中國國家主席 習近平將於周三起一連三日訪問澳門，並主持新一屆政府就職典禮。澳門市內保安空前嚴密，除咗全城禁飛無人機、全城繳械外，部分傳媒及民主派人士被約談，更有在英澳門社運人士被越洋警告「唔好發表不和諧聲音」。

習近平訪澳前幾個星期，澳門民航局已宣布12月14至22號期間，全澳禁飛無人機，以確保慶祝活動「順利及安全進行」。澳門行政長官早在11月初即作出「全城繳械」批示，要所有武器彈藥店、火器仿製品經營者，在特定時間內暫停營業，而其他持有火器之合資格人士，同要在期間將火器及彈藥交予當局存放，唯私人保安公司可獲豁免。

除了提升保安措施，當局並全力營造社會「祥和氣氛」。現居倫敦嘅前澳門社運人士 周庭希表示，以往自己身處在澳門時，每逢澳門有大事發生，例如選舉或領導人到訪之前，就會有一名來自大陸嘅港澳公安系統人士，固定會赴澳門同佢見面，了解佢是否會組織示威行動。

周庭希表示，在移居英國之後已甚少同對方聯絡。不過在習近平訪澳10日前，該人士再次通過短信聯繫佢，查問佢嘅近況，今次更加明確表示「澳門將舉辦主權移交25周年慶典活動」，要求佢唔好在各大傳媒、社交平台「發表不和諧聲音」，亦不要參與或組織相關抗議活動。

周庭希表示，雖然對方用字行文彬彬有禮，同未有講明若不從會有咩後果，但就明確發出警告。作為一名英國公民，佢表示自己無法接受咁肆無忌憚嘅跨國威脅。周庭希認為，不應妥協接受上述請求，尤其而家身處英國係英國公民，佢干預一名英國公民嘅言論自由，係嚴重嘅侵犯行為。

現居台灣嘅澳門傳媒人 崔子釗同在11月收到來自北京人士嘅短信，話「老大」要去澳門，要了解吓澳門近來有冇任何「社會不穩定」因素。而佢就直答，當局在2021年已DQ所有民主派人士，澳門立法會已再無民主派，社會「一片祥和」。不過，對方仍然不放心又繼續追問。

崔子釗續指，由此佢已感受到，即使澳門已再無反對聲音，亦不代表北京就此「安枕無憂」。在咁樣嘅情況下，北京對澳門仍高度警戒。澳門稱得上係個「乖仔」嘅狀態下，北京仍要如此高度戒備，係咩對自己冇自信，或係咁樣對個「乖仔」阿爺都唔放心呢？

據解，有幾個相對獨立嘅澳門傳媒被約談「摸底」，有人「帶訊息」俾佢哋，但不便透露太多。崔子釗表示，以往中國領導人訪澳期間，澳門警方多會派員跟蹤監視部分澳門傳媒人及民主派人士。佢亦因此心生恐懼，即使已獲安排在19號於澳門進行身體檢查，亦唔敢在呢段時間返澳。

前澳門民主派立法會議員 區錦新表示，近期同有來自中國嘅人士約佢飲茶傾計。區錦新指，佢自己並冇任何秘密行動，而佢自己一向都樂於同對方溝通，等對方了解澳門嘅情況。而對方或深知佢唔會「賣帳」，所以多未有出言警告。

不過近日澳門網上討論區，頻繁出現針對 區錦新的嘅有關攻擊，話佢「抹黑政府」，係「反華勢力」在澳門嘅代理人等。區錦新表示，平日純粹會在社交平台評論吓澳門民生及中國事務，五毛嘅攻擊唔會有影響。

區錦新話：我相信咁樣連續做圖應係有個群體在背後操作，或帶有啲政治目的。但問題係點解要咁做？我唔知。應該都同回歸日、國家領導來澳等有關，但就睇唔出來究竟要達到咩目的。啲抹黑又唔會逼到我噤聲。

區錦新認為，今次澳門主權移交周年嘅保安措施較往年更嚴格，有友人自香港經港珠澳大橋赴澳，入境被搜查三次先放行。而對澳門市民來講，相信大部分人多係「睇戲」心態，唯獨對到處封路感到煩厭，甚至有人直接離境出遊以避開各種擾民措施。