根據《星島日報》1號報導，中國內地欠薪風殺入航空業。有中媒報道指出，陝西「幸福航空」因長期拖欠員工薪金，有人9個月未獲發人工。機師及空服員為此要開網約車、送外賣、擺地攤來支撐生活。

根據網上資料，「幸福航空」係西安本土航空企業，該公司成立於2008年，擁有25架新舟60客機，5架波音737-800客機，員工有1000餘人，開通航線有40餘條。

由於欠薪情況在今年更加變本加厲，員工 王小姐指，而家公司隔幾個月甚至半年先發一次人工，人人情況不一，佢只有在9月獲發一次1000人民幣嘅基礎工資。

化名 李偉嘅機師表示，其基本工資大概係5、6萬，加上之前公司話嘅保留工資，加加埋埋大概有十幾萬。李偉續指，近期公司單日只有3架飛機執飛，好多機師已長期冇班可飛，佢對上次執飛已經係2021年，造成其執飛該機型嘅資質過期。

李偉並透露，由於「幸福航空」欠薪時間過長，好多同事都轉去做外賣員、開網約車、擺地攤等等，幾乎係咩謀生手段都有人嘗試。過去一年半，李偉同做起外賣員送餐，雖然送外賣賺得唔多，但多少可補貼家用。

另有一名機師 陳先生就表示，個人已9個月未獲發薪，公司已有3年冇交其公積金，社保已在2022年底就停交。

天眼查顯示，「幸福航空」被員工大量起訴，相關司法案有217宗，其中超過120宗為勞動爭議案。就連曾擔任過「幸福航空」黨委書記、紀委書記嘅李宏亮，都曾在2023年向公司討要2019年未發績效獎4.8萬、以及2020年一季度三個月績效獎6萬，共計10.8萬，法院判公司需付6萬。

「幸福航空」黨群工作部一名負責人，上月27號向《紅星新聞》表示，關於欠薪問題，有關部門包括民航、政府相關單位都高度重視，並正在研究系統性解決方案。