根據台灣《中央社》3號報導，泰國人權律師 阿農因違反俗稱「冒犯君主罪」嘅刑法112條，今再被判處2年徒刑。阿農違反「冒犯君主罪」嘅刑期累積達16年2個月，阿農另有9項違反冒犯君主罪嘅案件在審中。

2020年下旬泰國學運風起雲湧，抗議學生主張改革王室，震撼泰國社會。阿農（Arnon Nampha）係當年學運嘅關鍵人物之一，同係第一個公開在抗議活動中，講出要改革王室嘅人，佢病親自參與多場要求王室改革嘅示威活動。

2020年學運之後，泰國政府以俗稱「冒犯君主罪」嘅刑法112條為由，逮捕無數抗議分子，阿農就係其中一位。泰國有全世界最嚴厲嘅「冒犯君主罪」，根據刑法112條規定，任何人誹謗、侮辱或威脅國王、王后、王儲或攝政王，最高可判15年刑期。

法律扶助團體「泰國人權律師組織」（Thai Lawyers for Human Rights）今日指出，刑事法院判 阿農在2020年11月8號一封致函俾泰王嘅公開信件中「含有非事實陳述」，因此認定 阿農違反刑法112條及電腦犯罪法，今日再判 阿農3年有期徒刑，隨後因配合調查，減為2年。

由於今次判刑，阿農因違反刑法112條嘅刑期累積達到16年2個月，今日呢單判決係 阿農被控違反刑法112條14個案件中嘅第5個。《曼谷郵報》（Bangkok Post）報導提到，阿農嘅律師指，阿農已在2023年9月被拘捕，目前申請保釋31次都被駁回。

據泰國人權律師組織數據，截至今年10月31號止統計，已有1958人因參與2020年學運遭起訴，至少275人因違反「冒犯君主罪」而遭起訴。