根據台灣《中央社》28號報導，美媒《華爾街日報》（Wall Street Journal）報導指出，中國貨輪「伊鵬3號」涉嫌破壞連接北歐及中歐國家嘅海底電纜。歐洲調查人員認為，事件可能由俄羅斯情報機構在度幕後主使，無關中國政府；俄羅斯對指控回應表示「荒謬」冇證據。

《華爾街日報》報導稱，長225公尺、寬32公尺嘅中國大型貨輪「伊鵬3號」（Yi Peng 3），在國際公海、波羅的海海域被歐洲國家軍艦攔阻，停船至今已達一週。調查人員懷疑，呢隻載有俄羅斯肥料嘅商船，上週拋下船錨在海床拖行超過100英哩，疑蓄意破壞2條海底電纜。

事件發生在17至18號之間，事發國瑞典當局已進行調查。俄羅斯就否認涉及事件，船東對此同未有回應。歐洲調查人員就懷疑，「伊鵬3號」15號離開俄國 烏斯盧加港（Ust-Luga），可能受該國情報機構引誘進行破壞。執法及情報人員認為，今次係俄國攻擊歐洲基建計畫嘅一部分。

一名歐洲調查人員表示，船長絕冇可能唔知航行中嘅船隻已拋下船錨於海床拖行，尤其錨抓地之後速度必會放慢並切斷電纜。調查人員認為，「伊鵬3號」大概在17號夜晚9點拋錨，隨即就切斷連接瑞典及立陶宛嘅電纜，該船嘅自動辨識發射器當時被關閉。透過衛星等資料判斷，該船速度大幅放緩但仍繼續航行。

伊鵬3號行駛約111英哩後，在隔日凌晨3點再次切斷另一條連結德國及芬蘭嘅電纜，之後就彎曲航行，疑係進行起錨並恢復速度逃離現場。丹麥海軍船艦之後攔截「伊鵬3號」，在丹麥 喀得加海峽（Kattegat Strait）要求停船受查。

知情調查人士指，今次被切斷拖行嘅電纜，損壞狀況同「伊鵬3號」嘅船錨受損情況相符。國際海運資料業者Kpler 嘅即時數據記錄顯示，當時天候和緩、一般浪高，因天候事故需拋錨嘅可能性極低。

「伊鵬3號」船長為中國籍，船上另有一名俄羅斯籍船員，有一名丹麥嘅引導船人員在停船後曾短暫登船。事件十分敏感，涉及包括「丹麥、德國、瑞典」3個「北約」（NATO）成員國，多成員國嘅船艦都正在進行調查。

多名西方執法及情資人員懷疑，俄羅斯情報機構在幕後主使，事件無關中國政府。克里姆林宮新聞辦公室對指控表示「荒謬、冇根據」，並反諷指責俄國嘅西方官員，在烏克蘭炸掉北溪油管時一片沉默。

美國賓州大學「克萊門（Kleinman）能源政策中心」資深學者 施密特（Benjamin Schmitt）表示，「伊鵬3號」自2019年12月至2024年3月都在中國海域航行，但業務突然轉至俄羅斯港口，目前未有直接證據顯示俄國涉案，但應係歐洲當局現時嘅調查方向。

另根據《法新社》報導，斯德哥爾摩當地消息指出，瑞典總理 克里斯特森（Ulf Kristersson）今日表示，波羅的海連接北歐及中歐國家嘅2條海底電纜疑遭破壞案發生後，瑞典已向中國提出「正式請求」，望中國配合瑞典當局有關調查，共同釐清事實。

對於波海在24小時之內，分別有連接「芬蘭及德國、瑞典及立陶宛」嘅2條海底電纜被毀損。歐洲國家對此相當重視，包括「瑞典、德國、立陶宛」在上週就已針對此案開展刑事調查，矛頭就係指向「伊鵬3號」，克里斯特森並曾經在26號呼籲，盼「伊鵬3號」返回瑞典水域協助調查，不過就強調「並非對北京提出指控」，避免觸碰北京敏感神經。