根據台灣《自由時報》28號報導，美國保守派媒體《布萊巴特新聞網》（Breitbart News） 27號報導指，有一座以美國當選總統 特朗普為主題、兩層樓高嘅銅像，正在俄亥俄州製作中，目的係要紀念佢在今年7月於賓州 巴特勒 （Butler） 遇刺事件後，展現嘅無畏精神。呢座銅像捕捉 特朗普遭槍擊後，臉上沾有鮮血並高舉拳頭喊出「戰鬥！」（Fight !） 嘅經典畫面。

銅像由俄亥俄州著名雕塑家 科特里爾 （Alan Cottrill） 操刀，同時係目前佢製作過最大嘅作品。「愛國者計畫」（PATRIOT Project） 計畫由一群支持加密貨幣嘅投資者發起，支持者計劃在 特朗普就職典禮上揭幕銅像，以彰顯佢對加密貨幣政策嘅支持。

科特里爾過去曾為美國國會大廈嘅雕塑家廳 （Statuary Hall） 製作 愛迪生 （Thomas Edison） 銅像。佢指出，「愛國者雕像」係最具挑戰及爭議嘅創作之一，特別係考量到巴特勒事件嘅歷史意義。

科特里爾描述製作過程時提到，首先佢以黏土製作模型，後翻模鑄成青銅部件，最後再進行焊接及拋光。計畫負責人之一嘅 史塔克頓（Dustin Stockton） 表示，雕像必須充滿 特朗普嘅風格，要雄偉壯觀並充滿戲劇性。

史塔克頓並透露，目前已同就職典禮委員會商討揭幕事宜，預計雕像將在年初完工。揭幕後，銅像將搭載於配備起重機嘅18輪聯結車上，進行為期一年嘅全美巡迴展覽，最後計畫將永久安置於川普總統圖書館。

銅像具體展示點尚未敲定。巴特勒郡委員會副主席 蓋爾 （Kim Geyer） 指出，事發地 巴特勒農展會場 （Butler Farm Show grounds） 為私人土地，其董事會需決定是否允許豎立雕像。佢補充指，巴特勒郡作為事件發生地，已吸引唔少遊客，若可展示雕像，勢必進一步推動當地觀光經濟發展。

除大型雕像，科特里爾同時正製作10座18英寸（約46公分）高嘅 特朗普銅像，以同樣姿勢呈現，作為「愛國者獎」（Patriot Awards）頒發俾「令美國再次偉大」（Make America Great Again）MAGA運動嘅重要人物，每座價值大概3000美元。