根據台灣《自由時報》28號報導，新疆人權問題近年備受外界關切，對此，日本成衣商「Uniqlo」（優衣庫）嘅母企「迅銷」（Fast Retailing）執行長 柳井正（Tadashi Yanai）近日受訪時後首次表態，Uniqlo不使用來自中國新疆嘅棉花，今次係佢首次直接提到爭議性問題。

柳井正在東京受《BBC》專訪時提到，公司為咗控制衣服材料源及生產方式更加透明，而做出有關措施並表態，佢表示：我哋冇使用新疆棉。不過在提到使用嘅棉花環節時，柳井正停咗一下，並指：事實上，如果再繼續講就太政治化。有關回應到此為止並結束回答。

柳井正提到，儘管Uniqlo一直在歐美擴張，但依然非全球知名品牌，雖然亞洲仍係Uniqlo 嘅最大市場，中國門店比日本仲多，儘管中國作為世界第二大經濟體面臨挑戰，但公司並不打算改變在中國設點嘅策略。

柳井正依然持正面睇法指：中國有14億人口，而我哋只開設900至1000間門店，我認為可以增加至3000間。

不過專注於中國市場嘅商業情報公司「戰略風險」（Strategy Risks），其首席執行長及創辦人 艾薩克（Isaac Stone Fish）直指，中國、美國兩國嘅公司均面臨壓力，現時在冇一間大企業可保持「政治中立」，「北京、華盛頓」都希望企業選邊站，在呢方面，東京將繼續向美國靠。

報導提到，新疆棉曾被譽為世界上最好嘅布料之一，然被揭露係建立在對「維族等穆斯林少數民族」被強迫勞動嘅生產之上，引發世界各國對人權嘅疑慮而遭抵制。

美國在2022年針對自新疆進口嘅商品祭出嚴格法規，多個全球品牌將旗下使用新疆棉花嘅產品下架，包括H&M、Nike、Burberry、Esprit、Adidas等。

而當時 柳井正拒絕證實或否認Uniqlo是否有使用新疆棉，並表示希望「在中美之間保持中立」，而該決定使Uniqlo在中國巨大嘅零售市場，持續因「政治正確」而受到歡迎。