根據港媒《Channel C》27號報導，《路透社》引述知情人士透露，在「恒大集團」（03333）爆煲事件中蒙受經濟損失嘅數百名中國投資者，過去一周在深圳發起一場「謹慎抗議」行動，要求多個單位提供有關「恆大」調查嘅最新情況，係自2022年以來首有大規模投資人抗議活動。不過知情人士指，維權人士多遵照官方渠道表達不滿，避免同當局對立。

報道指，逾500名前恒大投資者在深圳參加3次唔同嘅抗議活動。周一25號先有一批人，前往「恒大」總部所在區之調查局；周二又有另一批去咗深圳市經濟犯罪偵查局；第三批於今日周三去咗深圳法院。

相關人士表示，今次行動嘅目的就係要所有投資者，逐一到達上述政府部門嘅接待處，非過去嘅公開抗議行動，亦不會招致警方大舉鎮壓。行動嘅時間、集合地，只會在當日先在投資者之間分享傳開。

在過去兩年，無數「恒大」投資者一直在微信群中保持聯繫，或者保持私人嘅聯繫方式，知情人士指，所有行動都需要保持低調，尤其需要一對一交流，否則好容易就會因被發現而封號。