根據《星島日報》27號報導，以色列高級官員稱，總理 內塔尼亞胡嘅安全內閣在當地時間周二召開會議，預期將批准同黎巴嫩「真主黨」嘅停火協議。協議要求以軍要在60日內，自黎巴嫩南部撤軍，以及黎國正規軍要在南部進駐部署等。

呢項美國提出嘅停火協議，內容包括在60日之內，黎巴嫩「真主黨」撤至 利塔尼河以北、以軍撤出黎巴嫩南部、黎國南部原真主黨據點內部署黎政府軍等。同時，各方同意成立一個包括法國在內嘅五國組成之委員會，並由美國擔任主席監督停火。

除此之外，《以色列時報》援引一名以國官員嘅消息稱，以色列及美國簽署過一份保證信，保證在停火後以軍在黎巴嫩領土上行動自由，使以軍不僅能夠對付嗰啲試圖襲擊本國之人，亦能阻止「真主黨」增強自身軍事力量。

不過該官員表示，以色列別無選擇唯有接受停火，部分原因係擔心 拜登政府可能會在其任期內，通過聯合國安理會決議來懲罰以色列。以色列駐聯合國代表 達農周一表示，預計同黎國「真主黨」嘅停火協議將分幾階段進行，「唔會一蹴而就」。對以色列最重要嘅就係，黎巴嫩「真主黨」撤至利塔尼河以北，並且不再重返。

黎巴嫩國民議會副議長 布薩阿布周一表示，開始實施美國提出嘅停火協議「已不存在嚴重障礙」。 一名駐黎巴嫩嘅巴勒斯坦「哈馬斯」高級官員表示，「哈馬斯」支持黎以停火。《路透社》週二引述四名黎巴嫩消息人士表示，美國總統 拜登及法國總統 馬克龍預計好快將宣布「真主黨」及以色列之間嘅停火協議。

舊年10月由「哈瑪斯」挑起嘅戰爭爆發後，「真主黨」就隔著「黎以」邊界同以軍交火，以策應「哈馬斯」。今年9月「黎以」局勢驟然升溫，以軍在10月1號對黎南發動地面進攻。「真主黨」在地面阻擊以軍嘅同時，亦繼續用無人機、導彈、火箭彈打擊以國境內目標。

根據黎國衞生部截至周日數據，自舊年10月以來，該國已有至少3768人死於戰火，15699人受傷，大部分傷亡發生在以色列9月對「真主黨」發動嘅「Call機、無線通訊機」襲擊。現任美國總統 拜登意圖在卸任之前，藉由外交手段結束「以黎」衝突。同時間，關於「加沙戰爭」嘅停火談判暫時都未有進展。