根據台灣《自由時報》25號報導，美國副國務卿 坎貝爾（Kurt Campbell）近日表示，中國對「朝俄」嘅接觸愈來愈感不安，尤其在「美中」雙方部分討論中，可以發現中方不清楚朝方某些企圖，中方擔心朝鮮可能做出有違中國利益之事。

英國《衛報》在24號報導指，坎貝爾在華府智庫「戰略暨國際研究中心」（CSIS）最近一次研討會上表示，令北京感到不快嘅話題就係「朝俄」接觸，尤其在雙方進行嘅部分討論中，似乎有平壤正尋求之事，而北京係完全不知情，北京甚至擔心俄國會鼓勵平壤，考慮採取「不符合中國利益」之行動，其中包括「軍事行動」。

坎貝爾補充指，北京冇直接批評莫斯科，但美方確實相信平壤及莫斯科之間日益加強嘅合作，令北京感到相當不安。日本外務省同對中國是否支持朝鮮出兵、協助俄國攻打烏克蘭一事表示懷疑。日方官員表示，中國在有關問題上保持沉默，可能正擔心「朝俄」軍事合作將有助於美國推動在「韓日」，或在東亞建立同盟陣線。

近日中國更罕見向日本遞出橄欖枝，表示打算拆除安裝在日本管轄區「尖閣諸島」附近嘅部分浮標。雖然此舉係好小嘅事，但仍被視為拉攏日本國內部分勢力，特別係唔想捲入美中衝突嘅派系。

前中央情報局（CIA）中國問題專家 韋德寧（Dennis Wilder）表示，中媒並冇提到「朝俄」在夏季達成嘅戰略協議，亦未曾報導朝鮮出兵嘅消息。佢直言，如果俄國進一步支援朝鮮發展核武，將促使美國加強在東亞嘅同盟，包括創建一個真正嘅「亞洲版北約」，此舉將置中國於非常困難嘅境地。