根據《自由亞洲電台》24號報導，香港科大在周六23號頒授榮譽博士位予4名得主，其中較受矚目嘅係「輝達」（Nvidia） 創辦人 黃仁勳及香港影帝 梁朝偉，媒體發現2人在台上奏中國國歌時並冇跟唱。曾指台灣係「世界上最重要國家之一」嘅 黃仁勳，今次演說「識玩」，絕口不提台灣二字。梁朝偉讚辭內原刊有兩次「台灣」（Taiwanese），在誦讀時亦直接刪去。

身著紫紅色禮袍，梁朝偉上台時神色較為莊重，黃仁勳則比較輕鬆，並向台下揮手微笑。當台上宣佈奏中國國歌時，黃仁勳、梁朝偉以及另名獲頒榮譽博士學位嘅諾獎得主 Michael Levitt，均冇跟唱。梁朝偉、Levitt 全程肅立冇表情，在台灣出生、美國長大嘅 黃仁勳，就微笑向台下點頭。

科大先向黃仁勳頒授學位，由副校長鄭光廷致讚辭：「生於台北，黃博士在十多歲時移居美國，他後來分別於俄勒岡州立大學及史丹福大學修畢電機工程學學士及碩士學位。」讚辭超過550字（英文），一次都沒有提及「台灣」的中文或英文。

黃仁勳今年訪台時曾形容，台灣係「世界上最重要嘅國家之一」，引發中國網民不滿。而中國官媒亦沉默不語，顯示中國在AI技術方面對「輝達」仍有高度需求。而 黃仁勳今次近8分鐘嘅演講，完全冇提到台灣，只簡單指：Nvidia 嘅科學中心在「香港、浦東、北京、深圳」，有大量驕人嘅科大校友、多年同事，佢哋幫我建立Nvidia。

而 梁朝偉嘅讚辭中，其中英文場刊原本各有出現兩次「台灣」，包括指《悲情城市》係首部獲威尼斯影展最佳影片金獅獎嘅台灣電影（which made history as the first Golden Lion award-winning Taiwanese movie.）。

文中並指出「台灣」電影製作人 李安，形容 梁朝偉嘅才華如同「一條靜謐的溪流」（ As the Taiwanese filmmaker put it……），但當校董會副主席 施熙德以英文讀出時，就將此改為「以潛台詞、真實感風格著稱，梁朝偉出演主角嘅傳奇電影觸動觀眾心弦，例如《悲情城市》、《花樣年華》。

梁朝偉就選擇以英語演講指：我演出至今已42年，進而成為而家嘅 梁朝偉，就係靠一點「方法、抱負、紀律、勤力」，當然仲有大量嘅運氣，令我每次拍戲都更加好。

報導指出，今次仲有一名美國數學家 David Mumford同獲頒理學榮譽博士，但佢並冇親身出席今次在香港嘅頒獎禮，唯透過預錄嘅影片向在場觀禮人士致辭。