根據《自由亞洲電台》24號報導，台灣前總統 蔡英文在近日進行卸任後第二次出訪，23號 蔡前總統出席在加拿大舉辦嘅「哈利法克斯國際安全論壇」並發表演說。佢在會上呼籲民主國家持續支持烏克蘭，團結一致嚇阻中國等威權主義擴張。蔡英文並宣佈，哈利法克斯將於下年2月首次在台灣舉辦論壇活動。

活動當日，在眾人熱烈掌聲及起身致敬下，「麥凱恩公共服務領導力獎」嘅得主 蔡英文，終於在「哈利法克斯國際安全論壇上」發表主題演講。呢個論壇係國際最重要嘅安全會議之一，蔡英文以「俄烏戰爭丶台海衝擊」以及美國總統大選爲例，提到民主國家遭遇到嘅威權擴張正深深影響經濟及社會生活。

蔡英文表示，佢支持美國優先援助烏克蘭，並呼籲民主世界持續支持烏克蘭，因為烏克蘭所面臨嘅情況，正正係所有民主國家嘅警鐘，民主國家應在各領域增加自衛能力。佢表示：烏克蘭嘅勝利將成為對威權主義擴張最有效嘅嚇阻，大家嘅團結會向威權主義傳達訊息，對民主社會任何一員嘅脅迫或動武，都將會帶來嚴重嘅後果。

在提問環節中，主持人美國資深記者 西弗林（Nick Schifrin）諮詢佢對中國侵台嘅時間表及因應之道，蔡英文調皮向 西弗林抱怨：你曾答應我「唔會拷問」卻冇做到，此言引發全場大笑。蔡表示，外界估測時間表好多，有稱最早可能係2027年。因此，台灣一直積極備戰中。

另外，蔡英文亦不客氣點名 習近平並公開指：習近平自己有複雜且具挑戰性嘅課題，所以我嘅建議係，佢可能需要用多啲時間去處理自己國內嘅問題。蔡英文並在會上宣佈，下年2月哈利法克斯國際安全論壇將會在台灣舉辦首場活動，台灣將邀請各國友人到訪，親身體驗台灣充滿活力嘅民主社會。

蔡英文係首名訪問加拿大嘅 台灣卸任總統，並透過今次安全論壇同歐美等多國重量級政治人物會面，獲得國際社會矚目並備受肯定。中國駐加使館亦發聲明批評，稱論壇「執意邀請台獨分子」參加，並為其頒獎，嚴重違反一中原則。中方強調，堅決反對任何台獨分子以任何名義竄訪中國各地建交國。

渥太華台灣僑務委員 馬稚凱讚揚 蔡英文及台灣政府，尤其其主政呢幾年，台灣在國際外交上屢創佳績，佢並認為，今次中國唔高興就表示我哋成功啦！打到對方嘅痛處。所以，中國反對嘅我哋做到，呢個就係對嘅、啱嘅，真係好叻。

溫哥華台灣僑務委員 張理瑲根據參訪前蘇聯統治嘅保加利亞嘅經驗指，俄羅斯、中國等「威權國家」確實危害人類，一旦遭受有關政權傷害，經歷幾代都難以擺脫困境。佢指出，共產黨統治過嘅國家，人民不只不能翻身，經濟亦陷入蕭條。大家都不快樂、冇咩笑容。