根據《星島日報》25號報導，俄羅斯總統 普京在上周六簽署一項法令，批准報名參加烏克蘭戰事嘅俄國公民，免除1000萬盧布（大概75萬港紙）嘅債務，作為招募新兵嘅新措施。另據烏克蘭軍方高層消息人士透露，烏軍在8月發動奇襲，迅速奪下俄國邊境地區庫爾斯克州大片土地後，由於俄軍展開數波反攻，烏方原佔領嘅範圍已丟失逾40%。

普京今次簽署嘅新法規定，12月1號起簽一年服役約嘅人可獲債務減免，且範圍涵蓋配偶。新法涉及法院於2024年12月1日前發出催收令並啟動追討程序的債務，可免除的債務總額為1000萬盧布。法案在11月獲得國會通過，目標係年輕嘅適齡俄羅斯人，因為30歲及以下嘅人最有可能有貸款。

當地專家認為，新立法將成為部分人士參軍嘅強大動力，俄羅斯正在尋找新嘅方式來招募士兵，以應對近3年嘅俄烏戰事。但嗰啲已經入伍嘅人就冇資格享受呢項新措施。儘管，俄羅斯房屋擁有者嘅比例相對較高，但該國嘅貸款利率極高，好多人幾乎冇現金儲蓄。

根據俄國央行10月發布一份涵蓋前兩季嘅報告，超過1300萬俄國人擁有3筆或更多筆貸款，較舊年同期增長20%。佢哋平均欠款金額為140萬盧布（大概係10.5萬港元）。另據烏克蘭參謀總部消息人士表示，自從烏軍8月迅速攻入俄羅斯領土令莫斯科措手不及後，俄方已部署約5.9萬士兵至庫爾斯克州。

消息人指出：我哋最多曾控制約1376平方公里，如今呢個範圍當然有所縮減。敵軍反攻攻勢日益增強，現在我們掌控約800平方公里嘅俄羅斯領土。該人士仲表示，只要符合烏克蘭嘅軍事目標，我哋會盡可能守住呢片土地。烏方重申，約有1.1萬名北韓士兵已抵達庫爾斯克援俄，但佢哋多數人尚未完成訓練。