根據海外揭真華媒《新唐人》24號報導，近日有山東網民上傳一段畫面影片，並在片中自稱於「旺仔牛奶」中發現形似老鼠嘅異物。旺旺公司方面緊急做出回應，旺旺集團三公子並宣稱「有人搞事」。消息再次登上微博熱搜、掀起網民關注，特別係針對中國嘅食品安全。

近日有山東網友在網上揭露一段短片，畫面顯示在一罐旺仔牛奶中發現異物。畫面由一名男童持手機拍攝，過程中有兩名兒童對話，鏡頭內一名父親用菜刀砍開一罐已封口嘅旺仔牛奶，最後罐中出現一團黑色異物。隨後，父親及仔仔都發出噁心乾嘔聲。

根據上傳短片嘅網民 彭先生爆料，當時其仔開咗一罐旺仔牛奶，飲一啖之後發覺牛奶味道好酸，隨後未有再飲，仔仔便將牛奶遞俾佢。在倒掉晒牛奶後，佢感覺到罐內似乎有異物，於是就用刀劈開個罐。

有網民提出質疑，認為該異物好似一隻小老鼠。另有網友批評，學生食堂、外賣攤檔出現小動物就算了，而家就連罐裝牛奶都未能倖免，連隻老鼠都能被封入去，中國嘅食品監管問題實在堪憂。

「旺仔」有關話題在22號晚登上微博熱搜第一。當晚，旺旺集團首席營運官 蔡旺家在微博帳號「@Matt旺家」發文回應稱：安心、放心、不用擔心。封閉管道「沒有湯姆、更沒有傑瑞」 。並暗喻自己屬老鼠稱：我今年40歲，飲旺仔牛奶已經有28年。

23號凌晨，山東旺旺食品有限公司就事件發聲明稱，公司已到場並同消費者進行「溝通」，同時對生產線進行全面審查「沒有異常」。23號 彭先生出面透露，事件並冇弄虛作假，異物絕非自己塞入去嘅。廠家有提出一賠十方案，並在協商後將異物各取一半，正等待檢測結果。

另有中媒報導指，涉事消費者曾表示，業者曾經開價賠償300人民幣，不過佢並冇同意，後來業者開始陸續加碼至1000人民幣，佢最終都係不同意，雙方仍繼續協調中。至於罐內究竟是不是死老鼠，目前還不清楚。

中國網上評論意見不一，有異議人士認為事件不真實。亦有人支持消費者維權，認為一個普通家庭冇乜可能故意造假，去挑戰間大公司強大嘅法律團隊。22號晚有一名支持旺旺嘅「小粉紅」留言稱：係咪有人在度搞事呢？該帖文吸引旺旺三公子「@蔡旺庭」跟帖附和。

對於旺旺三公子「未查明就預設立場先判」，有中國網民對此不滿評論稱：未調查清楚問題前，旺仔三公子就出來話有人搞事，身正不怕影子斜，你越解釋越搞到自己滿面灰。

公開資訊指，台灣企業「旺旺」跨足多個事業生意，由於集團立場較親中，旗下並有3間台媒「中天、中視、中時」。3間媒體同被台灣基進黨指控「收受中國鉅額補助款」，造成其言論長期親中或淪為中國大外宣傳聲筒。