根據《星島日報》20號報導，一名化名 小朱嘅上海女子在近日公開投訴，指自己同丈夫使咗19萬人民幣，通過旅遊平台「飛豬」訂購南極郵輪遊，臨行前竟被平台通知夫妻要同陌生人拼床瞓，起因係女事主當初係分開落單，而同客服交涉時又只稱二人「一起」，而非「一起住」。

上海《新民晚報》報道指，小朱原計劃同丈夫在今年12月去南極玩，但近日被通知「夫妻只能分房入住」。小朱指今次南極郵輪行，係舊年使19萬人民幣在「飛豬」上報名，因支付時限額，二人需要分開落單。

小朱表示，自己在今年4月就已經同平台溝通過，話明自己同丈夫將會同行。但今年10月平台再次通知，因為房間安排問題，夫妻二人需要分房，而且要同陌生人拼床。

客服解釋稱，小朱當初只話「一起」，並非「一起住」。而且，而家郵輪已經滿員無法調整。對此，小朱憤怒認為，平台係度搞文字遊戲，南極遊氣候惡劣更長達兩周，早知夫妻要同陌生人拼房，就唔去啦！然而，目前已無法退訂。

平台回應稱，兩訂單分開落單，平台根本不知兩人係一起。女事主4月份提出「係一起同行」，實際上係平台客服發現，兩筆訂單電話相同，先主動問兩人是否同行，至8月平台先知雙方係夫妻，但房間在7月就分配完畢。