根據《星島日報》20號報導，「農夫山泉」創辦人 鍾睒睒尋日在江西贛州出席活動時受訪指，我永不會做直播帶貨，甚至睇唔起做直播帶貨嘅企業家，並認為應做更有價值嘅事。鐘又指，直播帶貨嘅企業多係「平面型」，而農夫山泉係「垂直型」，佢形容：我有根，啲人冇。

中媒報道指，鍾睒睒在訪問中提到自己已經70歲，最擔心係記憶力下降。佢又表示，目前社會對商人提出太多要求，「愛國呢塊招牌」被人不分青紅皂白咁用，太傷人了！佢強調，自己一分錢都冇去海外，都在國內。

對於電商平台未來發展，鍾睒睒指，農夫山泉嘅主要銷售渠道係實體舖，更要求電商平台銷售佔比不得超過5%，否則線下小店點樣養活自己，小店老闆要賣什麼？每天咁多跑快遞、送外賣小哥，佢哋嘅風險邊個來承擔責任？

佢擔心，電商平台持續搞價格戰，對產業發展恐造成負面影響，甚至導致劣幣驅逐良幣嘅現象，不僅對中國品牌造成傷害，甚至會對整個中國產業構成威脅。

除此之外，「農夫山泉」今年推出低價綠包裝嘅純淨水產品，最平可達9.9人民幣12支，鍾睒睒指，呢款純淨水只推出一個規格，體現農夫山泉克制嘅態度。佢一直嚴格控制綠瓶水價格「不准賣貴」，就係要話俾大家知純淨水只值咁多錢。

另一方面，佢提到今年3月遭遇網暴，指事件對農夫山泉銷售造成一定影響。佢認為，有人利用演算法進行惡意攻擊，平台依賴「搞對立」來打造反面角色獲流量；並認為利用演算法技術造成之惡係「大惡」，受害者不只自己，亦包括被誤導嘅消費者。