根據香港《橙新聞》21號報導，黎巴嫩真主黨領導人 卡西姆在當地時間周三20號表示，真主黨已就美國提出嘅「以黎停火協議草案」表達立場，並同黎巴嫩政府觀點一致，現決定權掌握在以色列手中。

卡西姆在當日表示，真主黨達成停火嘅首要條件，就係以色列停止對黎巴嫩侵略，並承諾要尊重黎巴嫩主權，以色列不應試圖在雙方談判中強加條件。

卡西姆補充指，真主黨已做好應對持久戰準備，不會因等待談判結果而暫停軍事行動。如果以色列升級對黎特別係首都貝魯特嘅攻擊，真主黨將反擊 特拉維夫市中心。

對於戰後重建等問題，真主黨計劃同黎巴嫩政府及「友好國家」合作，積極參與黎巴嫩重建工作。卡西姆承諾，真主黨將在黎巴嫩選舉新總統中發揮「建設性作用」。

據黎國當地媒體報道，到訪黎巴嫩嘅美國總統特別顧問 霍赫施泰因，佢在同日表示，同黎巴嫩國民議會議長 貝里，就以黎停火協議草案進行談判並取得新進展。佢將在當日再訪以色列，同以方討論停火。