根據《星島日報》20號報導，美國總統當選人 特朗普周二前往德州，同 馬斯克一同觀賞SpaceX重型運載火箭「星艦」（Starship）第6次試射。不過今次未能再次上演「筷夾火箭」，由機械臂夾住助推器嘅壯舉，火箭第一級助推器意外跌落大海。

特朗普今次係專程前往SpaceX位於德州 波卡契卡（Boca Chica）嘅火箭開發基地。高約122米嘅火箭於當地時間19號下晝4點升空，升至62公里高空時，長71米嘅「超重型」（Super Heavy）第1級助推器同第2級分離，將星艦送上太空。

不過，「超重型」助推器未如原先預期，降落在發射塔上並被「筷型」大型機械臂攔截住，而係意外濺落在墨西哥灣，助推器在最後一刻落入大海，顯示過程中出咗問題。

儘管 特朗普未能親眼見證「筷夾助推器」，不過「星艦」今次旅程首次在太空中重燃引擎，實現過去試射未能做到嘅事。美太空總署（NASA）署長 尼爾森（Bill Nelson）在推特X發文祝賀星艦在太空重啟引擎，並指係邁向軌道飛行嘅「重大進展」。

有媒體指，重現「筷夾助推器」非今次試射主要目標，馬斯克在行前發文指，試射嘅4項核心目標包括：在飛行中重啟引擎、在白日著陸海洋、星艦重返大氣層承受更強烈熱能、助推器更快著陸。事前佢為粉絲打預防針，指今次重現「筷夾」會更難。