根據《自由亞洲電台》19號報導，香港泛民47人初選案中，45名被告被判「串謀顛覆國家政權」罪成判刑。前港督、香港監察贊助人 彭定康在判刑前夕發聲明，形容該案簡直係港府對港人嘅侮辱，同時係對全球珍視權利、自由之人的嘅侮辱。

肥彭 彭定康譴責案件，指該案在「冇陪審團」嘅情況下作出「虛假判刑」，並揭示香港在「集會、言論、新聞自由」被全全破壞。彭定康最後並呼籲英國政府，絕不能坐視不理，不能不加以譴責。

「香港民主委員會」（HKDC）執行總監 郭鳳儀批評指，是次判刑係對香港數十年來支持民主進程嘅打擊，同時係對一班「渴望有政治未來」嘅香港年輕一代作出判決。郭女士呼籲美國政府制裁相關人員，加速在國會通過《香港經濟貿易辦事處認證法案》。

海外組織「人權觀察」（Human Rights Watch）同發佈聲明指，中國部副主任 王松蓮指，參與選舉並試圖勝出如今已成為一項罪，被告被重判反映出《港區國安法》實施以來，香港公民自由及司法獨立，在過去4年之中急劇倒退。

「戰略及國際研究中心」（CSIS）高級顧問、「香港監察」贊助人 米德偉（Derek Mitchell）同表示，該案判決係香港民主及社會倒退嘅「又一個黑暗里程碑」。國際社會必須強烈譴責呢項罪行，支持咁多位勇敢嘅前立法會議員、社運人士、記者、工會成員，佢哋堅決對抗中共暴政，爭取「民主、權利、自由」。

「國際特赦組織」中國議題團隊主任Sarah Brooks表示，任何在今次被定罪嘅人，一日都不應在獄中度過，更唔使話要面對咁長嘅刑期。今次判決，表面上經過正當程序，又「做吓樣」扣減刑期，但好明顯都係要懲罰反港府之人，同時要威嚇其他被告及支持者。

Sarah Brooks批評，今次嚴厲嘅判刑，凸顯香港司法體系嘅危機。45名被告並未犯下任何「國際公認」嘅罪行，而純粹係因行使人權而被當局監禁。國際特赦呼籲港府，立即無條件釋放一眾被告。

「香港監察」在周二發布聲明，呼籲國際社會採取行動強烈回應，包括英國政府應拓展BNO簽證計劃至1997年主權移交前出生，而父母其中一方持有BNO身分之港人，等當時冇機會自行申請BNO身分之人，能儘速逃離香港日趨加劇嘅打壓。

聲明並呼籲美國政府，應延長為居美港人而設嘅「延遲強制離境」（DED）計劃期限，防止佢哋被迫要在新政府上任後被遣返香港；聲明並建議加拿大政府，應清理積壓已久嘅「Hong Kong Pathway」申請個案，防止居加港人嘅臨時身分在永居申請獲批核前到期。

同日，在案件判決結果出街後，保安局局長 鄧炳強會見記者並表示，判刑已反映罪行嘅嚴重性，又謂刑期已向社會清楚表達，任何危害國安之行為保安局都不會姑息。至於有大眾關注，政府會否對被告刑期再上訴，鄧就指：會研究個別人士刑期，考慮是否提出上訴。

針對初選案中，有部份人至今未被起訴，鄧炳強舊調重彈稱：只要有證據就會作出拘捕及檢控，無論你係咩人咩背景。鄧並特別點名批評 戴耀廷，指 戴提出「攬炒十步曲」具革命主張。鄧並稱：國安風險仍存在，外部勢力持續找尋機會攻擊香港。

鄧又指：社會仍有極端份子，海外亦在抹黑香港，佢形容「恐怖主義有地下化趨勢」。不過，鄧並冇提出任何有關上述慌言嘅實質證據或觀察。而中國外交部就指，任何人都不能打著民主旗號，從事違法行為，並強烈反對某些西方國家，意圖抹黑香港法治。