根據《星島日報》19號報導，最新一部火爆港產電影《破．地獄》，在日前上映後票房已衝破6,000萬港元，劇情精彩感人、成全城熱話。戲中角色「魏道生、郭志斌」等不時有吸煙鏡頭出現，未料竟惹來推動禁煙嘅委員會不滿。

吸菸委更透過旗下社媒帳號「無煙勢．待」發文抽水，指吸煙鏡會向觀眾灌輸「吸煙可解決問題、吸煙有型」等所謂錯誤觀念，更藉此呼籲應杜絕有關情況、停止在影視作品中出現吸煙鏡頭，咁無理嘅論述反引起各界批評「抽水過頭」。

對吸菸委無理「抽水」，網上有帖文批吸煙委觀點不合理，並認為有關說法屬矯枉過正，更有人反問：點解犯罪、犯毒、吸毒可以拍！而吸煙都唔可以？亦有網民恥笑稱：鹽油糖都唔健康喎，電影係咪要嚴禁出現飲食片段。更有人以電影對白笑問：令壽堂仲健在嗎？

根據吸煙委帳號「無煙勢．待」嘅網上帖文，畫面以設計對白來製作改圖，圖中可見，由許冠文飾演嘅「Hello文」向 黃子華飾演嘅「道生」講：道生，你成日喺觀眾面前食煙，會誤導佢哋以為食煙呢個行為好平常。

帖文又指，煙草業為將吸煙塑造成「時尚、有型」吸引青少年，唔少煙草品牌在90年代經常贊助電影製作，令過去唔少電影出現吸煙行為，甚至清楚展示煙草名稱及標誌，更有唔少吸煙特寫鏡，往往引導觀眾形成所謂「吸煙可以解決問題、吸煙有型」等觀念。

委員甚至認為，有關手段係煙草商廣告促銷嘅手段之一，因此煙草廣告、促銷、贊助都已被禁止，但「根深蒂固」嘅錯誤觀感，潛移默化成為電影慣常拍攝之一，結果令拍攝者、觀賞者透過反覆輸出及接收有關吸煙鏡頭，令大眾仍認為「吸煙係無乜大不了嘅行為」。

對此，批發及及零售界立法會議員 邵家輝表示，好多時電影中均需要有吸煙鏡頭用作表達意境，「純屬劇情需要」，並籲應企在創作自由嘅角度「寬容啲」看待件事，市民都明白吸煙有害，不應矯枉過正。

過去港產片一直有唔少吸煙鏡，邵家輝就認為，近年電影已逐年減少有關畫面，若將其「妖魔化」將事件放大，反令更多人關注。佢笑稱：你吸煙委唔提，根本冇人講，無人會因為睇完套戲就走去食煙！