根據《法廣》19號報導，近日有超過500近600名「軒尼詩」（Hennessy）嘅員工集體罷工，抗議公司一項潛在計畫，即嘗試在中國開展裝瓶程序，繞過在法國裝瓶嘅程序，以避免北京對歐盟進口商品徵收嘅高關稅。軒尼詩出口中國市場嘅份額，係全球除美國以外嘅第二大。法國總統 馬克龍一直希望同中國協商，在干邑白蘭地徵收關稅一事上搵到雙方滿意嘅解方。

上月11號北京正式宣布，對歐盟進口白蘭地徵收30%至39%高額關稅，今月又祭出須以「保函」做擔保嘅規定。軒尼詩工人力量總會Force Ouvrière(FO)代表 費德里克（ Frédéric Merceron ）向《法新社》記者透露，管理層向工會負責人表示，公司準備要測試，將桶裝烈酒運至中國，在中國裝瓶藉此以來避稅。

當地媒體報導指，軒尼詩計劃將1000公升含精緻琥珀色嘅干邑（VSOP）樣品運至中國，測試產品經長期運輸嘅穩定性。試裝將於12月15號進行。法國總工會（CGT）地區代表Michael Lablanche表示，如試驗成功，集團計畫要將整條VSOP裝瓶生產線遷至中國，目標要處理60萬箱白蘭地，相當於預計2025年在中國市場嘅全部銷量。

不過有另一名法國總工會（CGT）代表 馬修·德弗斯 (Matthieu Devers) 對此強調指：「軒尼詩」一間咁出名嘅釀酒企業如果咁搞，簡直就係潑自己人一盆冷水。如果咁樣都可行，以後其他酒商都會效仿佢哋咁做。咁樣將會為法國有關行業嘅就業，帶來非常大嘅衝擊。

在工會組織嘅號召下，干邑白蘭地職工在當地發起罷工活動。工會人員要求，在2024年底之前，公司嘅首次出口測試，必須衡量產品在長途運輸之後，是否依然可保持同等「質量」。

據中國商務部公告，中方自10月11號起採用保證金形式，對原產自歐盟嘅進口白蘭地實施臨時反傾銷措施。由歐盟出口至中國嘅白蘭地中，近99%都產自法國，消息對法國出口商及當地制酒業帶來大衝擊。

《法新社》表示，法國係推動歐盟對中國電動車徵收關稅嘅國家之一。今年10月4號歐盟開會投票決定，對進口自中國嘅電動車徵收關稅，並正式批准最高達35.3%嘅額外關稅，包括法國、意大利在內有10個成員國投下贊成票，12國棄權，5國反對。

歐盟指出，北京對其國內產業嘅不公平補貼，損害歐洲車商嘅利益。北京就持續否認有關指控。在歐盟投票決議後，中國商務部更發文表示反對，並反稱歐盟「不公平、不合規、不合理」。自歐盟舊年10月對中國電動車發動反補貼調查始，中國對歐盟多項產品亦啟動報復性調查，包括乳製品、豬肉產品、化工產品、白蘭地。

「軒尼詩」今次「嘗試」是否真會帶動其他酒商跟進？暫時係未知之數。有報導指，法國干邑白蘭地全國產業聯合會（BNIC）已多次敦促法國政府「採取行動」，保護干邑酒業免受關稅影響。並於週一表示：部分酒廠可能被迫探索其他可行選項，以維持該產區在中國市場嘅存在。

不過，相較之下，同為生產干邑白蘭地嘅品牌「人頭馬君度（Remy Martin），由於生產規模較細，該公司將採取唔同策略。不同於「軒尼詩」壓低價錢在中國促銷量，「人頭馬君度」計劃要提高中國市場干邑售價，並縮減產量及減少多地投放廣告嘅支出，緩解當前中國關稅嘅影響。「人頭馬君度」發言人並表示，該公司冇搬遷裝瓶線嘅計畫。