根據台灣陸媒《中天新聞網》18號報導，中國內地大學生近日興起一股熱潮，即係組團去酒店開房，但其目的並非要開趴狂歡或爆房，而存粹係因為冬季換季，在學生宿舍或外租樓「洗衣、洗被」不便。

無數年輕人爭相將酒店嘅「時鐘酒店房」變成「洗衣房」，因為使用4小時只需要幾百人民幣，既可洗大量嘅羽絨衣，又可洗大棉被，價錢更只需要乾洗舖嘅五分一價錢。

報導指出，近日又係冷空氣來襲嘅換季時節，而中國網上就出現「酒店換季洗衣攻略」，在內地網上引起話題，無數住宿舍嘅大學生、租房嘅打工仔，開始流行將酒店嘅「時鐘酒店房」變成「洗衣房」。

中媒《紅星新聞》報道指，在「酒店洗衣」攻略下有幾萬則評論，唔少網民分享自己在酒店洗衫嘅經驗。有網友指，部分大學條件有限，宿舍甚至冇洗衣機，或者數量不足、滾筒唔夠大，好難洗大件衫被。

尤其在南方城市，遇上連續雨天或回南天，又冇乾衣機可用嘅情況下，春夏交接洗衫或秋冬嘅毛衣、羽絨服、毛毯想要洗，可能晾大半個月都未必乾得到。

對租房住嘅打工仔來講，同有上述困擾。在洗衣舖洗件羽絨，少需十蚊多則上百。相較之下，在酒店使一兩百人民幣開間時鐘酒店房，就可任用價值幾萬嘅商用洗烘設備，烘出蓬鬆又柔軟嘅衫，純粹係性價比之選。

除此之外，更有唔少大學生選擇「組團開房」，搵幾個人一起「拼單」，不只可以洗烘幾個行李箱嘅大量衣物，仲可以在房內舒服沖個涼、飲杯茶，投屏追吓電視劇。

《紅星》記者實際走訪，並入住武漢市 武昌區一家間酒店，4小時嘅時鐘酒店房要價130人民幣。客服表示，自辦理入住開始計時，可住滿4個小時，酒店內「洗衣房、健身房」等設施，都可免費任用。

15號當日，《紅星》記者親身試驗，帶著滿滿兩大包衫服赴酒店入住，待洗物品有「羽絨衣、毛衣、絨毛玩具、抱枕、冷氣被」等，全部係較難洗淨、較難烘乾嘅大件物品。

報道指，在4小時內可分3次將今次帶去嘅所有衣物「全部洗烘完成」。而且衣物洗得非常乾淨，連抱枕、毛絨玩具都被烘乾得好徹底。

根據記者試計，如按某連鎖洗衣鋪嘅牌價逐件計，洗完上述啲衫，需要使大概640人民幣，如果勤力啲自己去酒店洗衣，大概只需五分一嘅價錢。

網上另有網友分享指，部分酒店會派女姓職員定時赴洗衣房巡視，如果有洗完嘅衫被留置在洗衣機內，職員仲會協助住客轉移去烘乾機，甚至會在烘完衫後送返至住客登記嘅房號，服務相當貼心。