根據台灣《中央社》18號報導，美國總統當選人 特朗普日前提名聯邦眾議員 瓦爾茲出任白宮國家安全顧問，瓦爾茲近期在公開演講中指出，台灣在先進晶片及世界貿易地位所處之形勢極為重大，即使中國解放軍數量超越美國，美國嘅軍事力量亦必須準備好。

瓦爾茲（Mike Waltz）係美國國會第一個具陸軍特種部隊資格嘅議員，曾經在戰場上出生入死，亦曾在五角大廈擔任重要幕僚，極度熟悉美國當前國力及軍力狀況，近期佢出版新書「艱難事實：像綠扁帽部隊思考及領導」（Hard Truths: Think and Lead Like a Green Beret），書中指「中國就係當今美國嘅最大威脅」。

瓦爾茲在過去6年眾議員任期期間，因長期擔任國防首長幕僚，在軍事、情報等委員會中任職，對台灣事務極為熟悉，高度關切對台軍售延遲交付及台灣自衛能力評估等方面。

在今年10月獲任命前，瓦爾茲在「雷根基金會」（Reagan Foundation）公開演講中，就當前美中情況指，中國國家主席 習近平公開討論美國已走下坡，更要取代美國成為全球領袖，並認定西方價值亦正在走下坡，認為可用極權科技監控取代，掌控嘅第一步就係西藏，下一步係香港，跟住就係台灣。

瓦爾茲表示：台灣嘅影響不只有掌握全球8成先進製程晶片，在地理位置上，台灣位於「日韓」及東南亞海運要地，控制全球一半GDP，相關形勢極端重大。

對於美國應如何因應當前形勢，瓦爾茲指：美國軍事力量必須準備好。即使中國海軍及太空軍數量已超越美國，中國核武數量已非2倍數增長，而係3倍數增長，形勢接近1930年代德國納粹建軍規模，但德國當時冇拒止美國嘅意圖。

佢認為，未來嘅美國總統不應以「坦克對坦克、船艦對船艦」嘅概念來思考。如果中國要攻擊美國，會先採取反介入作戰， 透過網路攻擊美國港口、水資源、油管。並以駭客組織「伏特颱風」（Volt Typhoon），從事進一步間諜行動，在美國各大系統埋下網路定時炸彈，首波攻擊將鎖定「空中、網路」。

報導指出，瓦爾茲係 特朗普（Donald Trump）嘅長期支持者，佢認為華盛頓體系必須改革，軍令及裝備系統都存在官僚主義問題，致美國國力及美軍戰力降低，面對中國競爭嘅形勢嚴峻。

佢舉例，中國人知道未來整個經濟將依靠太空網路，包括：農業、導航、銀行、即時物流，中共已高度發展並全面控制，恐因此致美國經濟陷入黑暗。佢表示：無論你愛或恨 特朗普，特朗普嘅直覺就係要將全力發展太空，失太空、失全部，美國必須保衛自己嘅資產。

佢認為，特朗普直覺知道呢件事，並帶頭提出執行細節，而當時嘅空軍部長聽過後，反對太空部隊將軍嘅講法，甚至對此不敢興趣，佢哋都憎呢種諗法。後來嗰名空軍部長被 特朗普發推文炒咗。不過一個星期後，嗰啲將軍們又走去總統辦公室，諮詢要如何成立太空軍。