根據《Yahoo 財經》6號報導，美國大選選情逐漸明朗，雖非人人有選票，但鈔票亦可左右投票意向。美國財經預測網《Polymarket》開出賭盤，近33億美元嘅投注額中，六成都押注 特朗普﹐成為今次大選嘅另類指標。
大選在周二正式投票，無法參與投票嘅人，就用另類方法來選人，透過財經預測網下注。以《Polymarket》為例，至5號當日，下注支持 特朗普嘅金額為61.6美仙，未能勝出嘅係38.5美仙。
據《Polymarket》落注統計，賀錦麗宣布取代拜登出選後，人氣急升，八、九月「支持度」同 特朗普平分秋色，但至十月份 特朗普一度拉開近七、三比。
最新數據顯示，截至美國時間周二上晝10點，《Polymarket》嘅美國大選賭盤，己吸引32.6億美元下注金，當中有60.9%落注在 特朗普，賀錦麗則有39.3%。
報導指，有關預測結果亦受人為因素影響，有名自稱Théo嘅法國交易員﹐在《Polymarket》押注超過3,000萬美元，賭 特朗普將勝出，若特朗普再次入主白宮，該神秘交易員將可獲得8,000萬美元回報。
