根據台灣《中央社》18號報導,《梵蒂岡新聞網》報導指出,中國主教在世界主教會議中發言,承認中國教會及天主教普世教會「正在共融之中」。此宣示打破中共一貫宗教政策,包括中國「宗教教職人員辦法」明訂嘅「堅持獨立自主辦教」原則,及禁止宗教人員「受境外勢力支配」嘅鐵律。不過外界認為,究竟係邊個影響邊個仍係未知數。
《天主教通訊社》(Catholic News Agency)11號報導指,首次有中國主教在世界主教會議發言,而且情況罕見。《梵蒂岡新聞網》在17號進一步披露中國主教在會上嘅發言內容。
報導指,中國杭州主教 楊永強在會上表示,中國教會在信仰上同世界各國天主教一樣,同屬一個信仰、同行一個洗禮,都忠於「至一、至聖、至公」自宗徒傳下來嘅教會。該宣示等同公開承認,教宗係中國教會領袖,中共政府不再反對教廷呢個外國勢力干預中國宗教。
報導又指,今年係第3次有中共嘅2名主教出席世界主教會議。首次係2018年嘅「青年」會議,第2次係2023年嘅「同道偕行」會議。報導強調,教廷同中國政府於2018年9月簽署臨時協議之前,冇任何一名中國牧人,能赴梵蒂岡大公會議及世界主教會議。