根據《自由亞洲電台》16號報導，香港特首 李家超在最新嘅「施政報告」中提出，下年香港將舉辦「抗戰勝利80週年紀念活動」嘅構思，並將此「活動」視為「強化港人國安及愛國教育」嘅工作重點。此舉引發市民擔心，對於特首要將中國式仇恨教育引入香港產生擔憂。

香港特首 李家超週三16號發表上任後嘅第3份施政報告。「報告」以「改革、發展、民生」為主題，但「報告」第一章講道發揮「一國兩制」制度優勢時，就以加強國家安全及愛國精神為重點，強調維護國安及愛國精神嘅重要，將紀念抗戰勝利列為下階段重點愛國活動。

李家超表示，愛國主義教育工作小組將推動更多「活動」，使愛國精神紮根社會。下年係中國抗戰勝利80週年，政府將會舉辦紀念活動，提升愛國精神。佢又稱，已完成嘅《基本法》第23條立法，能同《香港國安法》兼容互補，但國安風險可突如其來不可輕心，須保持警惕。

目前流亡澳洲嘅前立法會議員 許智峯對此表示，施政報告應多提改善香港民生、政治發展等事，第一次聽到有特首將抗戰勝利「活動」寫入施政報告，佢認為 李家超將愛國教育視為施政重點工作，是要將中國結合愛國及民族主義觀念，借舉辦大型紀念活動引入香港。

許智峯話，港府想實行內地嗰套，將愛國主義及民族主義在香港全面推展，控制人民思想。全力助推「受外國打壓就要奮起反抗」嘅排外仇外情緒，在香港本土多元文化中進行一波大清洗，其政治目的就係要抹去港人身份，絕對係洗腦嘅做法。

許智峯對此表示擔心，並認為假以時日，香港嘅新一代出現排外、仇視西方嘅情況，香港將會進一步同國際脫軌。

居台時事評論員 桑普表示，好多香港人都鍾意日本文化，並經常赴日本旅遊，甚至形容日本就係佢哋嘅家鄉，佢相信 李家超要舉辦大型嘅抗戰勝利紀念活動，其政治目的就係要否定港人對「日本、日本文化」嘅喜好，用中國扭曲嘅「愛國價值觀」及「歷史觀」取而代之。

桑普話，不只80週年「活動」，李家超甚至希望用呢個地方，將中國嘅「民族主義、愛國主義」論述，以及「錯誤、扭曲」嘅歷史觀，輻射至香港。製造對日認知嘅完全改造，製造敵人先能有鬥爭，先能團結在黨嘅旗幟下，用一個假想敵去作戰。

桑普亦注意到，李家超提出放寬吸引外來人才計劃嘅申請門檻，包括容許在港購置5000萬或以上住宅等人士，申請新資本投資者入境計劃，擴大高才通計劃涵蓋大學名單等，其目的並非要吸引國際人才，而係為咗中國權貴及專做大外宣之人提供跳板，因港人身份更易申請赴外。

許智峯同樣表示，港府不處理高才通申請引發學歷造假等問題，卻不斷放寬申請門檻，就係要利用「兩制」，為中國權貴家屬提供「更容易、更便利」赴外國嘅旋轉門，整體政策效果係「服務中國需要」多於「助益香港發展」。