《壹傳媒》創辦人 黎智英被囚多時，其仔 黎崇恩近日訪英並同官員會面，望即將赴中訪問嘅英國外相，在期間提一提黎智英案。黎崇恩又表示，父親在獄中無法領聖體，係一種精神折磨、係「小器」嘅做法。

黎崇恩上週五在英國倫敦出席新聞自由組織「無國界記者」（Reporters Without Borders）嘅活動，佢表示暫未有機會見到英國外相 林德偉（David Lammy），佢表示黎智英案對英國外交部屬於重要事項，佢望 林德偉在中國時會提到相關議題。

黎崇恩在週二同英國外交部政務次官 衛倩婷（Catherine West）會面，係自工黨政府7月上台後，首次有官員同佢見面。據《路透社》週三報道，林德偉將於下周出訪中國，力求重啟兩國關係。

黎崇恩認為，工黨政府立場同上屆保守黨政府一樣冇變，同係要求香港立即無條件釋放 黎智英。佢表示：我希望英國政府所有部門都加入，不只係外交部，而是主管貿易嘅官員赴港都應談及黎智英案。