根據《自由亞洲電台》（RFA）16號報導，香港特首 李家超在當日赴立法會，發表主題為「齊改革同發展、惠民生建未來」嘅施政報告，李家超聲稱，報告重點係「改革求變，發掘新增長點」。報告長達3.18萬字，但對《基本法》寫明要落實「政改、雙普選」卻隻字未提 。

在3萬幾字嘅報告中，不意外再次出現連篇「中式用詞」，「報告」並用100次「加強」、59次「創新」、37次「改革」等口號做宣揚，但呢份「口號式」報告聲稱以「拼經濟」為重點，但政策嘅實質「內餡」卻唔多，市民是否感覺到報告嘅創新及改革味道？

根據RFA 嘅街訪報導，唔少人都表明冇留意道「施政報告」，甚至表示「無興趣知道」。對於部分較實質嘅措施，如將劏房改名成「簡樸房」作規管，多名市民質疑其成效；至於鼓勵的士車隊提供「阿拉伯語資訊」等「騎呢措施」，引起網上一片訕笑聲，有市民直指港府「無聊」。

「施政報告」在近午時宣讀完，但下晝市民嘅反應多為「我冇睇、完全冇興趣、冇留意」。有留意到嘅市民對政府「口號式」發展不感興趣，普遍就關心「振興經濟、置業」等範疇。一名退休 孫生表示，最關注經濟問題，並指經濟差咗，近日好多店舖都倒閉。

「施政報告」宣稱要「打造香港旅遊新面貌」，更強調要開拓中東等旅客，提出整合提供清真食品餐飲名單，鼓勵的士車隊以阿拉伯語提供服務資訊等。消息一出，瞬間成為網上熱話。

90後嘅 勞生話政府「搞笑」，過去要的士司機學英文，學咗咁多年都不見成效，而家又要學一個更艱難少見嘅語言，完全唔合理。其實政府暫時只話鼓勵提供阿拉伯資訊，司機是否要學就未有詳情。

醫護界 伍生亦表示「政策唔合理」，除咗推阿拉伯話好無聊，叫的士司機學阿拉伯話基本冇可能。而「低空經濟」更加唔合理，我玩過無人機都攞過牌照，之前政府出政策打壓無人機群眾大家都覺得煩，部機擺埋在一邊冇再玩，而家又突然要搞無人機經濟，好似有啲矛盾。

針對「低空經濟」一說，一名 勞生就質疑其經濟效果，佢認為，問題在於呢種類型嘅經濟，創造唔到太多就業機會。可能無人機匯演先需要，但一間公司請得幾多電腦編程員？而且編程好嘅無人機，全程自動飛出，根本無需人手操控。

另一備受基層關注嘅要點，就係李家超將劏房改名為「簡樸房」規管，本身有朋友租住在劏房嘅 勞生指，雖然近日樓價有跌，但對基層或低收人士來講，到時更難負擔得起「簡樸房」租金。

佢表示新政作用不大，因為劏房本身嘅配置、環境條件，已同規管後差唔多，冇咩可能搵到80呎以下嘅劏房租。廚廁不可合一嘅規管，問題係實施困難，唔通要劏房業主立即打爛再裝，重新改畫圖則，多數都唔會咁做。