根據台灣《中央社》16號報導，台灣前總統 蔡英文在結束訪問捷克行程後，已啟程前往巴黎。美國政治新聞媒體《Politico》15號報導指，有2名知情人士向《NatSec Daily》透露，蔡英文結束歐洲行後，預計在未來幾週內就會訪美。

2名知情人士表示，蔡英文將今次訪歐形容為「強化同其他民主國家嘅關係」。白宮及台灣駐美代表處暫時未對報導發表評論。《Politico》指出，中方反對台灣現任及前任高官訪美，對台方官員及美方官員接觸極為敏感，最終反應可能取決於 蔡英文會晤嘅對象及訪問時機。

報導指，如果 蔡英文在11月5號美國總統選舉之前抵達，將有可能成為尋求同 蔡英文合影嘅「共和黨、民主黨」議員嘅政治炒作對象，以強化雙邊政營強硬嘅對中形象。

如果 蔡英文在美選後及新總統就職前呢段時間抵美，可能會吸引總統當選人尋求同佢會晤，以強調美國對台支持。川普（Donald Trump）在2016年勝選後曾打破外交禁忌，接受 蔡英文嘅賀電。川普及民主黨總統候選人 賀錦麗（Kamala Harris）團隊對此事未有回應。