根據台灣《中央社》12號報導，10月27號係中國前總理 李克強逝世一週年，河南省 鄭州市在9號突然宣布，原定於27號舉辦嘅大型馬拉松賽事，「因故」延期至11月3號；同一時間，安徽省今個月有8場馬拉松賽事，亦全「因故」延期，同樣冇講明原因。

中國前總理 李克強於舊年10月27號於上海離奇過世，佢在安徽 合肥嘅故居出現數以萬計排隊獻花致哀嘅洶湧人潮；在多場人潮聚集嘅悼念活動中，李克強過去曾主政嘅河南省會 鄭州亦出現悼念人潮；佢在安徽 定遠縣的嘅老家亦出現悼念花海。

鄭州馬拉松係A1頂級賽事，於舊年10月29號開跑，吸引超過4萬人參加。網上歷史照片顯示，當年有跑友手持 李克強「克難攻堅、強國有道」嘅旗幟紀念，亦有跑友背著 李克強遺照參賽。在他地舉行嘅多場馬拉松賽，亦傳出有跑友在衫上手寫其名句「長江黃河不會倒流」。

報導指出，10月秋高氣爽，原係中國舉辦馬拉松賽事嘅黃金時段。鄭州馬拉松組委會在9號宣布，原定於27號舉行嘅賽事，「因故」延期至11月3日舉辦；據中國田徑協會相關規定，該賽事認證類別亦因今次「避險」嘅操作，由A1類調降為C類。

鄭州馬拉松組委會表示，對於因賽事延期而受影響嘅跑友，組委會表達「誠摯歉意」，並將制定相應補償措施，包括承擔退訂差旅住宿所產生之費用等有關方面補償措施。

無數已報名嘅中國跑友，陸續在微博等社群表示不滿，並追問：到底係咩原因？有網友指，因為延至11月3號，將同「北京、杭州、西安」等其他多場大型馬拉松賽撞期，好明顯係不符常理。

與此同時，安徽原定於今個月後3個週日舉行嘅8場馬拉松賽事，近日亦相繼宣布「因故」延期，全數延後至11月舉辦。消息引發跑友在社群追問原因，但冇人敢提到因為適逢 李克強首次忌日。