根據《法新社》8號報導，美國13個州以及華盛頓特區共14地嘅檢察官，在周二8號正式起訴「抖音」海外版「TikTok」，並指控「TikTok」危害年輕用戶嘅心理健康，並在未經授權之下擅自收集個人數據。

上述14地共同發表一項聯合聲明，指責「TikTok」軟件設計誘使人上癮，意圖誘使少年兒童長時間頻繁收睇，並歪曲其內容審核之有效性。此舉對青少年、兒童嘅心理健康已產生負面影響。

檢察官特別指出3點對青少年「特別有威力」嘅負面影響，包括「TikTok」嘅「全天候通知、影片連續自動播放、吸引注意力嘅內容」等特別關注要點。

「TikTok」發言人就回應指，反對有關指控，並稱有關指控「錯誤並具有誤導性」。「抖音」長期宣稱，已為年輕用戶建立「夠強嘅保護機制」，並強調已針對16歲以下用戶做保護，加強有關默認設置。

抖音並舉例，包括阻止消息提醒功能，確保青年發布內容唔會被推送至「非好友」陌生用戶嘅推薦欄目中。不過亦表示對各州訴諸法律嘅決定表示失望。

除咗「加利福尼亞州、紐約州」，其他包括「伊利諾伊州、肯塔基州、馬薩諸塞州、密西西比州、新澤西州、北卡羅來納州、路易斯安那州、哥倫比亞特區（首都 華盛頓）、俄勒岡州、南卡羅來納州、佛蒙特州、華盛頓州」都已加入訴訟。

過去在「猶他州、內布拉斯加州、堪薩斯州、新罕布什爾州、愛荷華州、阿肯色州」都曾經發起過針對TikTok 嘅類似訴訟。而 德克薩斯州在上週率先起訴該集團嘅中國母企「字節跳動」，指控其出售未成年用戶嘅個人數據。

今年8月初，美國司法部基於相同理由，同對「TikTok」提起訴訟。美國消費者保護機構FTC在6月份曾向司法部報告，指控TikTok可能違反在1998年通過嘅《兒童在線隱私保護法》（COPPA）。