根據台灣《中央社》8號報導，台灣總統 賴清德在5號拋出「反祖國說」指：「中華人民共和國」絕不可能成為「中華民國」人民嘅「祖國」。此一新論述被外界戲稱「打懵」中國嘅慣性思考，中國國台辦直至8號先做出回應，派出一個發言人以「一中三階段論」作為回應，又聲稱儘管海峽兩岸尚未統一，但中國、台灣同屬一中嘅事實從未改變亦不容改變。

台灣 賴清德總統在5號晚出席民國113年國慶晚會，並在致詞時指出，最近鄰居中華人民共和國10月1日號啱先過完75歲生日，就年紀來講，中華人民共和國絕冇可能成為中華民國人民嘅「祖國」，而係中華民國可能係中華人民共和國75歲以上民眾嘅祖國，並呼籲「藍白營」若要祝賀中華人民共和國生日快樂，切勿用「祖國」兩字。

中國國台辦8號派出發言人 朱鳳蓮出來應戰，朱女以發言人名義回應事件。朱女表示，台灣 賴清德總統透過突出兩岸政治分歧，蓄意割裂兩岸歷史連結，繼續兜售中華民國及中華人民共和國「互不隸屬」嘅「新兩國論」，顯露其「台獨」立場並升高對抗敵意。朱女並重申，「中共方面」嘅歷史論述及兩岸議題立場為「一中三階段論」。

朱女表示，1945年10月25日，中國政府宣告「恢復對台灣行使主權」。朱女所指嘅係當年 毛澤東所言：1949年10月1號，中華人民共和國中央人民政府宣告成立，取代中華民國政府成為代表全中國嘅唯一合法政府。

朱女宣稱，此次中國嘅政權更替，係在「中國」呢個「國際法主體」冇發生變化嘅情況下發生。朱女又指，中國嘅主權及固有領土疆域「冇發生改變」，中華人民共和國政府「理所當然」完全享有並行使中國主權，其中亦包括對台主權。

朱女並表示 ，儘管兩岸未統一，但中國主權、領土「從未分割亦不容分割」，並繼續指「中國、台灣」同屬一中。隨後又宣稱，無論誰拋出咩「歷史悖論、台獨怪談」，都改變唔到兩岸同屬一中嘅「客觀事實」，扼殺唔到台灣同胞嘅「祖國意識」。

針對國台辦 朱女有關講法，台灣行政院長 卓榮泰當日在立法院會答覆立委質詢時指出，賴清德總統講嘅邏輯並冇錯誤、其歷史概念亦冇錯誤、其結論都一樣冇錯，佢希望中華人民共和國，能夠正視中華民國存在嘅基本事實。

對於中國國台辦持續以「中國、台灣」同屬一中嘅講法回應台灣 賴清德總統，台灣陸委會在當晚隨即發布回應，指對岸「中華人民共和國」未能正視「中華民國」係主權國家嘅事實表達高度遺憾。

台灣「大陸委員會」（陸委會）當晚指出，中共國台辦宣稱「台灣係中國神聖領土」，又稱擁有對台主權，實屬荒謬言論。陸委會表示，總統 賴清德於國慶晚會闡明「兩岸互不隸屬」，呢個「客觀事實」就係當今嘅台海現狀。

陸委會強調，中華民國作為主權獨立國家已持續繁榮發展113年；另外，中華人民共和國確實自1949年以來，都未曾治理過台灣「任何事物」亦係客觀事實。而國台辦嘅講法，只會令台灣民眾睇得更加清楚中共嘅霸道。

中共自視為中國唯一合法政府，抹煞中華民國在國際嘅生存空間，中華民國勢必會繼續存在，靠自己國民嘅努力，絕不依賴中共刻意包裝並隨時改變主義嘅「假面善意」。陸委會並再次呼籲中共，唯有尊重中華民國存在嘅事實，並以此為出發點，先會有良性互動對話嘅可能。