根據台灣《中央社》8號報導，中國「十一」長假期間，位於山東 臨沂嘅「沂蒙紅色影視基地」，推出結合抗日愛國及紅色題材嘅「跟著團長打縣城」體驗劇，不只開放遊客親身體驗「奪回縣城」的嘅場景，「攻打」嘅對象更加係占領縣城嘅日本軍。

根據《星島網》報導，今年「十一」中共建政75週年長假期間，結合中共黨史及愛國主義場景嘅「紅色旅遊」，成為中國遊客嘅熱門去處之一。報導指，沂蒙紅色影視基地在「十一」長假期間，推出沉浸式抗戰體驗劇「跟著團長打縣城」。

跟住活動安排，遊客可以在不必換裝嘅情況下，想像自己係1930年代嘅中共八路軍，參加遊客在一名八路軍裝扮嘅「團長」及數名八路軍「士兵」帶領下，向前方嘅縣城邊喊邊衝鋒，重現八路軍最終奪回日占縣城嘅場景。

根據網上畫面，八路軍裝扮嘅「團長」首先帶領參加體驗嘅遊客，企在正對著城門嘅義大利大炮前，遊客手持仿造當年八路軍使用嘅手槍，或各式抗日神劇常見嘅大刀等戲場道具，等待團長發號施令。

跟住在「團長」高喊「同志們，衝啊！」嘅號令中下，參與體驗嘅遊客手上揮舞著手槍、大刀，甚至有充當「武器」嘅手機，共同衝向前方城門，而城內就布置成「斷壁殘垣、硝煙滾滾」嘅樣。

另外在城門前，同有演員裝扮成為「日本兵」，在大隊人馬殺到前「四處逃竄」，甚至有人「自覺倒下」，以利遊客順利攻入城門，奪回被「日軍」占領嘅縣城。

報導形容，參與抗日體驗劇嘅遊客中，有人面露出堅定表情，彷彿真係要與敵「決一死戰」；有人就興奮大喊大叫大笑，盡情釋放自己情緒。整個場景熱鬧非凡，彷彿一場真正嘅戰鬥上演緊。

沂蒙紅色影視基地推出嘅抗日體驗劇爆紅，相關畫面在中國網上被廣傳，並受到熱烈討論。有網友表示：體驗好玩，創意一絕值得體驗。有人話：抗戰基因覺醒。另有人稱：體驗喚醒紅色血脈，傳承紅色基因。

不過亦有網友表示，咁樣嘅體驗「毀三觀」。有人認為，只見過反戰宣傳，冇見過宣傳戰爭。有人諷刺話：抗日真係個方便題材，咩場合都用得到。報導指，有體驗遊客表示活動「幾有意思」，俾大家過吓表演癮幾好玩，該客並表示其孩童都有參與演出，並接受「教育」。