根據香港網媒《橙新聞》30號報導，全球最大加密貨幣交易所「幣安」(Binance)創辦人 趙長鵬（Changpeng Zhao），因違反美國反洗錢法，被美國當局判囚4個月。據悉 趙長鵬已在上周五27號獲釋，並在社交媒體撰文指，將會繼續投資區塊鏈、去中心化技術、人工智慧以及生物技術，趙長鵬並強調自己係長期投資者，關心影響力而非回報。

趙長鵬表示，自己未來將投入更多時間、資金在慈善教育。佢在入獄前發起了一個教育計劃「Giggle Academy」，其宗旨係為1年至12年級學生提供免費基礎教育，其核心理念包括「遊戲化」學習體驗及「自適應」教育機制，佢聲稱此計劃不帶來任何收入。並在文中透露，該Giggle Academy發展進展順利，此項目將成為我未來幾年生活嘅重要部分。

舊年11月，趙長鵬承認違反美國反洗錢法，「幣安」最終以43億美元(約335億港元)同美國司法部達成和解。其後 趙長鵬辭去其CEO職務。另外，其個人亦須支付5,000萬美元(約3.9億港元)罰款，並禁止參與幣安任何事務。趙長鵬評價而家嘅幣安：「幣安」冇咗我呢個「後座司機」，似乎表現得好好，非常棒。佢指，呢一點係每一個創辦人嘅夢想。

報導指出，2021年 趙長鵬嘅財富曾一度超越「農夫山泉」(09633)董事長 鍾睒睒，一舉成為華人首富。根據《彭博》億萬富翁指數，現時其身家為308億美元（約2,402億港元），名列全球富豪第61位。