根據《自由亞洲電台》25號報導，祖國科技一哥「華為」推出三摺手機冇幾耐，網上有關奏摺機「黃牛價雪崩」嘅消息衝上熱搜榜。網上有無數「帶奏摺機」上街張開打電話嘅奇葩畫面，亦有用戶「一折成千古恨」，慘遇屏幕斷裂嘅悲慘血淚史。

根據中國財媒《第一財經》指，近日有無數網路博主發佈影片稱，華為三摺手機Mate XT溢價暴跌，由最初加價6、7萬甚至10萬，跌至加價4000、2000。網上機災消息不斷，有黃牛賠本出售止蝕，有黃牛發文稱，第一次做黃牛就砸手內，一日掉4000、5000。

台灣「東吳大學」企管系兼任講師 林修民在受訪時表示，華為新嘅三摺手機，採用芯片係「中芯」7納米製程，同前一代相較冇任何進步。佢以iPhone16為例，i16採用台積電3納米N3E製程芯片，而舊年i15就已採用台積電3納米，今年係進階版，下年i17預計將會採用台積電2納米芯片，年年都會有改進或新技術發展。

華為今次發布嘅新機，同上一代機種相比，半導體技術冇任何進步，主要賣點在被戲稱為「奏摺」嘅三摺屏幕，華為雖然號稱自己係全世界第一個做三摺機嘅廠，但此類產品在業界並不成熟，消費者多擔心其耐用度如何。奏摺機或係一個好噱頭，但本質上並冇足以令消費者信服嘅資料。

並進一步表示：華為賣嘅係「愛國情操」，華為今日已無法再宣稱「遙遙領先」，越到後頭就只能吸引部分有狂熱信仰嘅消費者購買。短時間的確可以炒高個價。但在熱情消散之後，「奏摺機」就會返返到市場正常價。

林修民坦白表示，「奏摺機」等於係一部計算能力都好普通嘅手機，好多平板電腦內使用嘅芯片，都比7納米更加先進。

華為三摺機「黃牛價雪崩」話題衝上熱搜後，有網友指，華為手機個開價就係「智商稅」，黃牛賺4000，開價二萬人民幣一部機，當中國人係傻嘅？另有網民表示，華為及網紅吹得太猛，口水過後原形畢露。亦有網民稱：賺4000都嫌少，比亞迪一架只賺8000！

除咗開價過高被評「太過分」，網上無數屏幕開裂、折到就爆機嘅畫面，另一票想要「嚐鮮」嘅愛國用戶卻步，各類「一折成千古恨」嘅勸世文紛份在網上出現。

微博網友「遺忘無際」在網上問，作為mate三折手機嘅使用者，有幾多人用完「折疊屏幕」後，還會繼續選擇用折疊機？「遺忘無際」並表示，自己已經換返去用「單屏幕」手機，佢並指出在親身體驗mate 60 pro折疊機後，發現「奏摺機」存在兩個大問題。

第一，呢部機真係太重！除非有用戶覺得無所謂，可以忽略呢一點唔計。第二，過大嘅屏幕特別容易打爛，而且要維修換新「貴到你唔信」。而且「奏摺機」只有一個大屏幕，萬一屏幕壞咗，一個畫面都冇，內部資料想要傳出來都會有困難。

「遺忘無際」並指，自己都親身經歷過一部「外折」嘅折疊機，因出邊落大雨，當日又冇帶遮，手機濕晒致畫面及成部機瓜咗，事後先知手機唔防水。問完更換屏幕價錢後，發現維修價比手機殘值更高，但因內部數據更重要，唯有咬牙俾錢維修。

另外第二次，自己在掏手機時手滑，折出嘅一角跌落在地下，屏幕再次瓜咗，今次實在伺候不起，所幸就換部mate 60 pro。佢表示，為咗傳輸數據至新機，壞機先要在維修部換上臨時屏幕，待數據傳送完成後，先將臨時屏幕卸除報廢。

「遺忘無際」指出，如果用戶使用嘅折疊手機只有一個屏幕，壞咗都將無法傳出數據。佢並透露，維修手機嘅師傅向佢表示，如果手機內外有兩塊屏幕，就算壞其中一個，另一個都還可以臨時頂上急用，但華為嘅mate 60 pro屏幕如果壞咗，成部機就會「死機」停止作用。