根據台灣《Newtalk新聞》 24號報導，在18號深圳一名10歲日本男童，在返學途中遭遇中國人行刺逝世後，事件引起日本民眾巨大憤怒，亦驅使日本企業展開「撤離員工」行動。

目前包括「松下電器、三菱重工」等多間日企巨頭，已陸續開始組織員工及家屬要撤離中國，「松下」為申請回國員工提供機票等補貼，「三菱」在中國嘅日本員工就集體申請回國。

學童遇刺事件引起在中國工作生活嘅日人恐慌，日企「松下」（Panasonic）就率先宣佈，准許在中國嘅日本員工及家屬回國，以安撫當地員工嘅人心。中方至今仍未公佈兇徒動機及案件詳情，更在上周五20號做出一波「政治操作」，宣稱中日就福島核處理水問題「達成共識」，將逐步恢復合規日本水產進口。

即使中國外交部發言人 毛寧在記者會多次強調，有關安排同深圳男童遇襲一案並無關聯。但多年生活在中國嘅日本人，對於中國長年來嘅「心口不一」早已「心有領會、大家心照」，深知今日唔走，終有一日都要走。

多間日媒報道指出，根據Panasonic所公佈嘅方案，其所有駐中國嘅員工及家屬可以暫返日本，一切費用由公司支付；至於願意繼續留守嘅員工，公司會為留守員工提供輔導服務，望能安撫員工不安嘅情緒，並容許當地員工彈性上班，方便照顧家人。

另一間大型日企「東芝」（TOSHIBA）在中國派駐有約100名日本員工，管理層已向員工發出通知，提醒要注意在中國嘅人身安全。中國日本商會會長 本間哲朗表示，現時對日企來講，最重要嘅就係確保員工及家屬安全，以及能繼續安心生活。

然而，在中國嘅日本人社群早已人心惶惶，《日本放送協會》（NHK）訪問到一名在深圳工作嘅日本人，佢形容有關「針對日本人」嘅襲擊不斷發生、環境好可怕，佢擔心自己都有機會，成為任何一個陌生中國人嘅無差別襲擊目標。

「松下控股」執行副總裁 本間哲朗指出，確保員工及其家人安全，係日本公司在中國繼續進行業務嘅基本要求。推特X 帳號「新聞調查」在24號發文指出，「松下」允許日本員工及家人暫返日本避險，並主動承擔費用。批准留駐員工靈活工作並設立諮詢辦公室，使員工能更便利工作，有關「緊急措施」充分顯現日企對員工嘅重視及珍惜。

另有推特X 帳號「蕨代霜蛟」指，不止有「松下、東芝」，傳出「三菱重工」（MITSUBISHI HEAVY INDUSTRIES）員工亦正在展開行動。據「中國三菱」嘅中方員工透露，所有日本同事已向公司申請返日本。事件代表日本男童遇害事件，已導致駐日中國人充斥恐懼及不安。

另有報導指，多達上百間駐中日企正在緊急咨詢法務，咨詢關於「關閉、註銷」在華日資企業嘅事宜。多間中國律所嘅相關業務近日有暴增趨勢，過去「遲疑、猶豫、懼怕」嘅日企，全部在今次搵到一個「名正言順」嘅好機會，決心「一去不復返」。

外媒估計，呢波日資撤離中國潮，將會掀起歷史性高潮，「歐美韓台」等國嘅企業亦將跟進，中國失業潮將面臨空前嘅惡化。推特X 帳號「Daniel Fang」亦表示，離開中國嘅日企仲有好多地方可以投資，但一但中國失去咁多間外國企業，失去嘅工作機會將難以返來。